ന്യൂ ഡെല്ഹി: അടുത്തവര്ഷം ജൂലൈയോടെ ഇന്ത്യയിലെ 25 കോടി ജനങ്ങള്ക്ക് കോവിഡ് വാക്സിന് വിതരണം ചെയ്യുമെന്ന് കേന്ദ്ര ആരോഗ്യ മന്ത്രി ഡോ. ഹര്ഷവര്ധന്. 500 ദശലക്ഷം ഡോസ് വാക്സിന് വിതരണം ചെയ്യും. വാക്സിന് സമാഹരണത്തിനുള്ള നടപടികള് ആരംഭിച്ചതായും സണ്ഡേ സംവാദില് കേന്ദ്ര ആരോഗ്യ മന്ത്രി വ്യക്തമാക്കി.
നിലവില് നടക്കുന്ന വാക്സിന് പരീക്ഷണങ്ങള് വിജയിക്കുന്ന മുറക്കായിരിക്കും ജനങ്ങളിലേക്ക് എത്തിക്കുക. തുടക്കത്തില് ഏതൊക്കെ വിഭാഗങ്ങള്ക്കാണ് മരുന്ന് നല്കേണ്ടതെന്നത് സംബന്ധിച്ച് പട്ടിക തയാറാക്കും. ആരോഗ്യ പ്രവര്ത്തകര് അടക്കം കോവിഡ് പോരാട്ടത്തില് മുന്നിരയില് ഉള്ളവര്ക്ക് ആദ്യ ഘട്ടത്തില് മരുന്ന് നല്കുമെന്നും കേന്ദ്രമന്ത്രി അറിയിച്ചു. വാക്സിന് കരിഞ്ചന്തയില് എത്തുന്നില്ലെന്ന് ഉറപ്പാക്കാന് കൃത്യമായ നിരീക്ഷണം നടത്തുമെന്നും കേന്ദ്രമന്ത്രി വ്യക്തമാക്കി.
Read also: കര്ഷകരുടെ തകര്ച്ച കണ്ടുനില്ക്കാന് കഴിയില്ല; രാഹുല് ഗാന്ധി