മലപ്പുറം: സുന്നി യുവജന സംഘം മലപ്പുറം ഈസ്റ്റ് ജില്ലാകമ്മിറ്റി സംഘടനാ അദാലത്ത് ശില്പ്പശാല നടത്തി. അംഗത്വ അടിസ്ഥാനത്തിൽ നിലവില് വന്ന ശാഖ, പഞ്ചായത്ത്, മണ്ഡലം കമ്മിറ്റിക്ക് വേണ്ടി ഈ മാസം അവസാന വാരം നടത്തുന്ന അദാലത്തിന് മുന്നോടിയായിയാണ് ശില്പശാല നടന്നത്.
മലപ്പുറം സുന്നി മഹലില് നടന്ന പരിപാടി ജില്ലാ പ്രസിഡണ്ട് പാണക്കാട് സയ്യിദ് അബ്ബാസലി ശിഹാബ് തങ്ങള് ഉൽഘാടനം ചെയ്തു. ജില്ലാ ട്രഷറര് അബ്ദുൽഖാദര് ഫൈസി കുന്നുംപുറം അധ്യക്ഷനായി. ജില്ലാ ജനറല് സെക്രട്ടറി സലീം എടക്കര, ഹസന് സഖാഫി പൂക്കോട്ടൂര് എന്നിവർ ശിൽപശാലയിൽ സംസാരിച്ചു.
ഹംസ റഹ്മാനി കൊണ്ടിപറമ്പ്, ഷാഹുല് ഹമീദ് മേല്മുറി, ഫരീദ് റഹ്മാനി കാളികാവ്, ഫവാസ് ഹുദവി എന്നിവര് വിഷയം അവതരിപ്പിച്ചു.
Must Read: നിതാ അംബാനിയെ വിസിറ്റിങ് പ്രൊഫസറാക്കാൻ നീക്കം; പ്രതിഷേധവുമായി ബനാറസ് സർവകലാശാലാ വിദ്യാർഥികൾ