കടലുണ്ടി: ചാലിയം കുടുംബാരോഗ്യ കേന്ദ്രത്തിൽ മോഷണം. ഇ- ഹെൽത്ത് പദ്ധതിയുടെ കംപ്യൂട്ടർ, 2 ടിവി, വെബ് ക്യാമറ, ട്രോളി സ്പീക്കർ, വൈഫൈ ഡോങ്ക്ലർ എന്നിവ അപഹരിച്ചു. ഫാർമസിക്കു സമീപത്തെ ഗ്രിൽസിനുള്ളിലൂടെയാണ് കള്ളൻ അകത്തു കയറിയത്.
ഡോക്ടറുടെ മുറിയിൽ നിന്നു കംപ്യൂട്ടറും ഹെൽത്ത് ഇൻസ്പെക്ടറുടെ മുറിയിൽ നിന്നു വെബ് ക്യാമറയും കൈക്കലാക്കി. മറ്റിടങ്ങളിലെ സാധനങ്ങൾ വാരിവലിച്ചിട്ടു. ഫാർമസിയോടു ചേർന്ന ഗ്രിൽസിന്റെ പൂട്ട് പൊട്ടിച്ച നിലയിലാണ്.
രാവിലെ ജീവനക്കാർ എത്തിയപ്പോഴാണ് മോഷണ വിവരം അറിഞ്ഞത്. ഒന്നര ലക്ഷം രൂപയുടെ നഷ്ടമാണ് കണക്കാക്കുന്നത്. ബേപ്പൂർ പോലീസ് അന്വേഷണം ആരംഭിച്ചിട്ടുണ്ട്. ആശുപത്രിക്ക് സമീപത്തെ ബാങ്ക് ശാഖയിലെ സിസിടിവി ദൃശ്യങ്ങൾ പോലീസ് പരിശോധിച്ചു വരുന്നു.
Read Also: നാല് മാസമായി ശമ്പളമില്ല; സമരത്തിന് ഒരുങ്ങി വനംവകുപ്പ് താത്കാലിക വാച്ചർമാർ