തിരുവനന്തപുരം: കോൺഗ്രസിൽ പ്രശ്‌നങ്ങൾ ഉണ്ടെന്നും എന്നാൽ അത് ചർച്ച ചെയ്യേണ്ട സമയം ഇതല്ലെന്നും കെ മുരളീധരൻ എംപി. കോൺഗ്രസിലെ പ്രാദേശിക തർക്കങ്ങൾ തിരഞ്ഞെടുപ്പിന് ശേഷം ചർച്ച ചെയ്യാം. പ്രവർത്തകരുടെ ആത്‌മവീര്യം ചോർന്ന് പോയിട്ടില്ല. പക്ഷേ നേതാക്കൾ അതിനൊപ്പം സഹകരിക്കണം. താൻ ഏതായാലും പ്രവർത്തകരുടെ വികാരത്തോടൊപ്പമാണെന്നും മുരളീധരൻ പറഞ്ഞു.
സംസ്‌ഥാനത്തെ വികസനത്തിന് കിഫ്ബി ഒരു ഘടകമല്ലെന്നും മുരളീധരൻ പറഞ്ഞു. കിഫ്ബി വരുന്നതിന് മുമ്പും കേരളത്തിൽ വികസനം ഉണ്ടായിട്ടുണ്ട്. കുറെ കടം തിരിച്ചുകൊടുക്കേണ്ട അവസ്‌ഥയാണ്. കിഫ്ബി ഒട്ടും സുതാര്യമല്ലെന്നും മുരളീധരൻ ആരോപിച്ചു.
കേന്ദ്ര ഏജൻസികളെ കേരളം കത്ത് അയച്ചു ക്ഷണിച്ചു വരുത്തിയതാണ്. അല്ലാതെ തന്നെ വരാൻ ശ്രമിക്കുന്നവരാണ് ഈ ഏജൻസികൾ. പക്ഷെ ഇപ്പോഴും കേരളത്തോട് കേന്ദ്ര ഏജൻസികൾ മൃദുസമീപനം സ്വീകരിക്കുകയാണെന്നും മുരളീധരൻ പറയുന്നു.
Also Read: നടിയെ ആക്രമിച്ച കേസ്; ഡിസംബർ രണ്ടിലേക്ക് മാറ്റി
