പാലക്കാട്: കോങ്ങാട് ബൈക്കുകൾ കൂട്ടിയിടിച്ച് മൂന്ന് യുവാക്കൾ മരിച്ചു. എഴക്കാട് സ്വദേശികളായ അനന്തു, സിദ്ധാർഥൻ, വിഘ്നേഷ് എന്നിവരാണ് മരിച്ചത്. എഴക്കാട് ഒമ്പതാം മൈലിൽ ഞായറാഴ്ച രാത്രി 9.30നായിരുന്നു അപകടം. എതിർദിശയിൽ വന്ന ബൈക്കുകൾ കൂട്ടിയിടിച്ചാണ് അപകടം സംഭവിച്ചത്. ബൈക്കുകൾ അമിത വേഗതയിൽ ആയിരുന്നു എന്നാണ് റിപ്പോർട്ട്. സാരമായി പരിക്കേറ്റ ലക്ഷംവീട് കോളനി സ്വദേശി ശിവനെ പാലക്കാട് ജില്ലാ ആശുപത്രിയിലും തുടർന്ന് തൃശൂർ മെഡിക്കൽ കോളജിലേക്കും മാറ്റി. മൃതദേഹങ്ങൾ പാലക്കാട് ജില്ല ആശുപത്രി മോർച്ചറിയിലാണ്.
Read also: കുനിശ്ശേരിയിൽ മൂന്ന് സഹോദരങ്ങൾ പാറക്കുളത്തിൽ മുങ്ങിമരിച്ചു