ബദിയഡുക്ക: കാസർഗോഡ് യുവാവിനെ തട്ടിക്കൊണ്ടുപോയ സംഭവത്തിൽ മൂന്നുപേരെ ബദിയഡുക്ക പോലീസ് അറസ്റ്റ് ചെയ്തു. ഉളിയത്തടുക്കയിലെ ഇബ്രാഹീം ബാദുഷ (24), തളങ്കരയിലെ അഹ്മദ് റൈസ് (29), അബ്ദുള്ള അമീൻ (27) എന്നിവരാണ് അറസ്റ്റിലായത്. പ്രതികളെ റിമാൻഡ് ചെയ്തു.
ഏപ്രിൽ 11നാണ് കേസിനാസ്പദമായ സംഭവം നടന്നത്. പെർള ചെക്പോസ്റ്റിന് സമീപം താമസിക്കുന്ന ഫാത്തിമത്ത് സുഹ്റയുടെ മകൻ അബ്ബാസിനെ (25) ആണ് കാറിലെത്തിയ ഒരു സംഘം തട്ടിക്കൊണ്ടു പോയത്. പിറ്റേദിവസം തന്നെ യുവാവിനെ വിട്ടയച്ചിരുന്നു.
Also Read: മൻസൂർ വധക്കേസ്; 2 പേർ കൂടി അറസ്റ്റിൽ, പിടിയിലായവർ 7 ആയി