പാലക്കാട്: ട്രെയിനിൽ കടത്തുകയായിരുന്ന 27 കിലോ കഞ്ചാവുമായി പ്രായപൂർത്തിയാവാത്ത ഒരു പെൺകുട്ടിയടക്കം മൂന്ന് പേർ അറസ്‌റ്റിൽ. ഒഡിഷ സ്വദേശികളായ ഉത്തം പാത്ര, കമാലി ക്രിസാനി, പ്രായപൂർത്തിയാവാത്ത പെൺകുട്ടി എന്നിവരാണ് അറസ്‌റ്റിലായത്‌. പാലക്കാട് റെയിൽവേ സ്‌റ്റേഷനിൽ വെച്ച് നടത്തിയ പരിശോധനയിലാണ് സംഘം പിടിയിലായത്.
ഷാലിമാർ-തിരുവനന്തപുരം എക്‌സ്‌പ്രസിൽ കടത്താൻ ശ്രമിച്ച 27 കിലോ 650 ഗ്രാം കഞ്ചാവാണ് ഇവരിൽ നിന്ന് ആർപിഎഫ് ക്രൈം ഇന്റലിജൻസ് വിഭാഗം പിടിച്ചെടുത്തത്. വിപണിയിൽ 15 ലക്ഷം രൂപ വിലവരുന്നതാണ് കഞ്ചാവെന്ന് ആർപിഎഫ് ഉദ്യോഗസ്‌ഥർ അറിയിച്ചു. ഒഡിഷയിൽ നിന്ന് തൃശൂരിലേക്ക് കൊണ്ടുവരികയായിരുന്ന കഞ്ചാവാണിതെന്നാണ് പ്രതികളുടെ മൊഴി.
Most Read: ഇറ്റലിയിൽ നിന്നെത്തിയ 125 പേർക്ക് കോവിഡ്; ഒമൈക്രോൺ പരിശോധന നടത്തും
