വയനാട്: കോവിഡ് വ്യാപനത്തെ തുടർന്ന് ഏറെ നാളുകളായി അടച്ചിട്ടിരുന്ന ജില്ലയിലെ ടൂറിസം കേന്ദ്രങ്ങൾ നിയന്ത്രണങ്ങളോടെ സന്ദർശകർക്കായി തുറന്നു. വിനോദ സഞ്ചാര കേന്ദ്രങ്ങളിൽ വലിയ ആൾത്തിരക്ക് അനുഭവപ്പെടുന്നില്ലെങ്കിലും, തുറന്ന കേന്ദ്രങ്ങളിലെല്ലാം ആളുകൾ എത്തി തുടങ്ങിയിട്ടുണ്ട്.
പ്രാദേശിക സഞ്ചാരികളാണ് നിലവിൽ വിനോദ സഞ്ചാര കേന്ദ്രങ്ങളിൽ എത്തുന്നവരിൽ ഏറെയും. കൂടാതെ വരും ദിവസങ്ങളിൽ കൂടുതൽ സഞ്ചാരികൾ എത്തുമെന്നാണ് അധികൃതർ കണക്കുകൂട്ടുന്നത്. വിനോദസഞ്ചാര കേന്ദ്രങ്ങൾ തുറന്നതിന് പിന്നാലെ ഇതിനോട് ചേർന്ന് ഉപജീവനം നടത്തുന്ന വ്യാപാര സ്‌ഥാപനങ്ങളും നിയന്ത്രണങ്ങളോടെ തുറന്നിട്ടുണ്ട്.
കോവിഡ് മാനദണ്ഡങ്ങൾ പൂർണമായും പാലിച്ചുകൊണ്ടാണ് നിലവിൽ വിനോദസഞ്ചാര കേന്ദ്രങ്ങളിൽ ആളുകൾക്ക് പ്രവേശനം നൽകുന്നത്. ഇനിയുള്ള 2 ഞായറാഴ്‌ചകളിലും ലോക്ക്ഡൗൺ ഇല്ലാത്തതിനാൽ കൂടുതൽ ആളുകൾ വിനോദസഞ്ചാര കേന്ദ്രങ്ങളിൽ എത്തുമെന്നാണ് പ്രതീക്ഷിക്കുന്നത്.
Read also: ജില്ലയിൽ രണ്ട് ഡോസ് വാക്‌സിൻ സ്വീകരിച്ചവരുടെ എണ്ണം നാല് ലക്ഷം കടന്നു
