വയനാട്: മുത്തങ്ങ, തോൽപ്പെട്ടി ഇക്കോ ടൂറിസം കേന്ദ്രങ്ങളിൽ വിനോദ സഞ്ചാരികൾക്ക് പ്രവേശനം നിരോധിച്ചു. ഇന്ന് മുതൽ ഏപ്രിൽ 15 വരെയാണ് നിയന്ത്രണം ഏർപ്പെടുത്തിയത്. കർണാടക, തമിഴ്നാട് വനപ്രദേശങ്ങളിൽ നിന്ന് വന്യജീവികൾ തീറ്റയും വെള്ളവും തേടി വയനാടൻ കാടുകളിലേക്ക് കൂട്ടത്തോടെ വരാൻ സാധ്യതയുള്ളതിനാണ് ഈ തീരുമാനം.
വയനാട്ടിൽ വരൾച്ച രൂക്ഷമായ സാഹചര്യത്തിൽ വന്യജീവി സങ്കേതത്തിൽ കാട്ടുതീ ഭീഷണിയും നിലനിൽക്കുന്നുണ്ട്. സമീപ ദിവസങ്ങളിൽ വയനാട് വന്യജീവി സങ്കേതത്തിലെ നിരവധി പ്രദേശങ്ങളിൽ കാട്ടുതീ പടർന്നിരുന്നു.
ഈ സാഹചര്യത്തിൽ ഇക്കോ ടൂറിസം കേന്ദ്രങ്ങളിലേക്കുള്ള വിനോദസഞ്ചാരം വന്യജീവികളുടെ സ്വൈര്യ വിഹാരത്തിന് തടസം സൃഷ്ടിക്കുകയും വിനോദസഞ്ചാരികളുടെ സുരക്ഷിതത്വത്തിന് ഭീഷണി ഉണ്ടാകാനും സാധ്യത ഉണ്ടെന്ന വിലയിരുത്തലിനെ തുടർന്നാണ് പ്രിൻസിപ്പിൾ ചീഫ് ഫോറസ്റ്റ് കൺസർവേറ്റർ വിനോദസഞ്ചാരം താൽക്കാലികമായി വിലക്കിയത്.
Most Read: ഇനി പരീക്ഷാക്കാലം; എസ്എസ്എൽസി പരീക്ഷകൾക്ക് ഇന്ന് തുടക്കം