തിരുവനന്തപുരം: ഇനി മുതൽ ട്രെയിൻ പുറപ്പെടുന്നതിന് അര മണിക്കൂർ മുമ്പ് വരെ ടിക്കറ്റ് റിസർവ് ചെയ്യാം. ഓൺലൈനിലൂടെയും ടിക്കറ്റ് കൗണ്ടറുകളിലൂടെയും സേവനം ലഭ്യമാകും. പുതിയ നിർദ്ദേശ പ്രകാരം രണ്ടാം റിസർവേഷൻ ചാർട്ട് തയാറാക്കുന്നത് ട്രെയിൻ പുറപ്പെടുന്നതിന് അര മണിക്കൂർ മുമ്പാണ്. അതിനാൽ, ആ സമയം വരെ ടിക്കറ്റ് ബുക്ക് ചെയ്യാം.
Also Read: ശബരിമല ദര്‍ശനം കോവിഡ് ജാഗ്രത പോര്‍ട്ടലില്‍ രജിസ്‌റ്റര്‍ ചെയ്യുന്നവര്‍ക്ക് മാത്രം
കോവിഡ് പശ്‌ചാത്തലത്തിൽ നിർത്തി വെച്ചിരുന്ന ട്രെയിനുകൾ പ്രത്യേക സർവീസുകളായി പുനരാരംഭിച്ചിരുന്നു. ഈ സാഹചര്യത്തിൽ രണ്ട് മണിക്കൂർ മുമ്പ് തന്നെ റിസർവേഷൻ നിർത്തിവെച്ചു. റെയിൽവേ സ്‌റ്റേഷനുകളിൽ യാത്രക്കാരുടെ ആരോഗ്യ പരിശോധന നടത്താൻ വേണ്ടിയായിരുന്നു ഈ രീതി നടപ്പിലാക്കിയത്. എന്നാൽ ഇപ്പോൾ കൂടുതൽ ട്രെയിനുകൾ അനുവദിച്ചതിനാലാണ് നിയന്ത്രണങ്ങളിൽ ഇളവ് വരുത്തിയത്. ഒക്‌ടോബർ 10 മുതൽ ഈ ക്രമീകരണം നടപ്പാകും.
