കൊല്‍ക്കത്ത: പശ്‌ചിമ ബംഗാൾ തൃണമൂൽ കോൺഗ്രസിൽ വിമതസ്വരം ഉയർത്തി ഉത്തര്‍പാരയില്‍ നിന്നുള്ള എംഎല്‍എ പ്രബീര്‍ ഘോഷാല്‍. തൃണമൂലിന്റെ ഹൂഗ്ളി ജില്ലാ കമ്മിറ്റിയംഗം, പാര്‍ട്ടി വക്‌താവ് എന്നീ സ്‌ഥാനങ്ങളിൽ നിന്ന് ഇദ്ദേഹം രാജിവെച്ചു. നിലവിൽ നിയമസഭാംഗത്വം രാജിവെക്കില്ലെന്ന് ഇദ്ദേഹം അറിയിച്ചു.
മണ്ഡലത്തില്‍ സ്വതന്ത്രമായി പ്രവര്‍ത്തിക്കാന്‍ പാര്‍ട്ടിയിലെ ഒരു സംഘം അനുവദിക്കുന്നില്ലെന്നും ഇതേത്തുടർന്ന് രാജിവെക്കാൻ താൻ നിര്‍ബന്ധിതനാവുന്നു എന്നും അദ്ദേഹം പറഞ്ഞു. വരുന്ന നിയമസഭാ തിരഞ്ഞെടുപ്പില്‍ തന്നെ പരാജയപ്പെടുത്താന്‍ ഗൂഢാലോചന നടക്കുന്നുണ്ട്. ലോക്‌സഭാ തിരഞ്ഞെടുപ്പില്‍ തന്റെ മണ്ഡലത്തില്‍ തൃണമൂല്‍ മോശം പ്രകടനം കാഴ്‌ചവെക്കാൻ കാരണം പാര്‍ട്ടിയിലെ ഉള്‍പ്പോരാണെന്നും അദ്ദേഹം പറഞ്ഞു.
Read also: ഡെൽഹിയിൽ അധിക സുരക്ഷാ വിന്യാസത്തിന് ഉത്തരവ്; 15 കമ്പനി അർധസൈനികരെ നിയോഗിക്കും
