തിരുവനന്തപുരം : സംസ്‌ഥാനത്തെ കോവിഡ് നിയന്ത്രണങ്ങളില്‍ കൂടുതല്‍ ഇളവുകള്‍ പ്രഖ്യാപിച്ച് ദുരന്ത നിവാരണ വകുപ്പ്. ഇളവുകളുടെ ഭാഗമായി ട്യൂഷന്‍ സെന്ററുകള്‍, നൃത്ത വിദ്യാലയങ്ങള്‍, തൊഴില്‍ അധിഷ്‌ഠിത പരിശീലന സ്‌ഥാപനങ്ങള്‍, കമ്പ്യൂട്ടര്‍ സെന്ററുകള്‍ എന്നിവക്ക് പ്രവര്‍ത്തനാനുമതി നല്‍കിയിട്ടുണ്ട്. പൂര്‍ണമായും കോവിഡ് മാനദണ്ഡങ്ങള്‍ പാലിച്ചുകൊണ്ട് മാത്രമേ പ്രവര്‍ത്തിക്കാന്‍ പാടുള്ളൂ എന്നാണ് അധികൃതര്‍ നിര്‍ദേശം നല്‍കിയിരിക്കുന്നത്.
പ്രവര്‍ത്തനം ആരംഭിക്കുന്ന ഇത്തരം സ്‌ഥാപങ്ങളില്‍ ഓരോ ക്ളാസ് റൂമുകളിലും ഉള്‍ക്കൊള്ളാന്‍ കഴിയുന്നതിന്റെ 50 ശതമാനം വിദ്യാര്‍ഥികളെ മാത്രമേ ഉള്‍ക്കൊള്ളിക്കാന്‍ പാടുള്ളൂ. കൂടാതെ മാസ്‌ക്, സാനിറ്റൈസര്‍, സാമൂഹിക അകലം എന്നിവ കൃത്യമായി പാലിക്കണം. എന്നാല്‍ സംസ്‌ഥാനത്ത് സാങ്കേതിക വിദ്യാഭ്യാസ സ്‌ഥാപനങ്ങളും, സ്‌കൂളുകളും തുറക്കുന്ന കാര്യത്തില്‍ ഇതുവരെ തീരുമാനം ഉണ്ടായിട്ടില്ല.
Read also : കടുത്ത വിവാദങ്ങൾക്കൊടുവിൽ ഔദ്യോഗികമായി പിൻമാറി സർക്കാർ; പോലീസ് നിയമ ഭേദഗതി റദ്ദാക്കി
