ന്യൂഡെൽഹി: കോവിഡ് പ്രതിരോധ വാക്‌സിൻ കുത്തിവെപ്പ് യജ്‌ഞത്തിന് മുന്നോടിയായി പ്രധാനമന്ത്രി നരേന്ദ്രമോദി സംസ്‌ഥാന മുഖ്യമന്ത്രിമാരുമായി ഇന്ന് കൂടിക്കാഴ്‌ച നടത്തും. വൈകിട്ട് നാല് മണിക്കാണ് യോഗം. സംസ്‌ഥാനങ്ങളിലെ വാക്‌സിനേഷൻ തയാറെടുപ്പുകൾ യോഗത്തിൽ വിലയിരുത്തും. വാക്‌സിൻ വിതരണത്തിനായി കേന്ദ്രസർക്കാർ തയാറാക്കിയിരിക്കുന്ന രൂപരേഖ പ്രധാനമന്ത്രി മുഖ്യമന്ത്രിമാരെ ധരിപ്പിക്കും. അതേസമയം, ജനുവരി 16ന് നടക്കുന്ന വാക്‌സിനേഷന് മുന്നോടിയായി പ്രധാനമന്ത്രി രാജ്യത്തെ അഭിസംബോധന ചെയ്‌തേക്കുമെന്നും റിപ്പോർട്ടുണ്ട്.
ഓക്‌സ്‌ഫഡ് സർവകലാശാല പ്രമുഖ മരുന്നുകമ്പനിയായ അസ്ട്രാസെനക്കയുമായി ചേർന്ന് വികസിപ്പിച്ച കോവിഷീൽഡ്‌, ഭാരത് ബയോടെക്കിന്റെ കോവാക്‌സിൻ എന്നീ വാക്‌സിനുകൾക്കാണ് ഇന്ത്യയിൽ അടിയന്തര ഉപയോഗത്തിന് അനുമതി നൽകിയിരിക്കുന്നത്. എല്ലാ സംസ്‌ഥാനങ്ങളിലും പ്രതിരോധ വാക്‌സിൻ കുത്തിവെപ്പിനായുള്ള കേന്ദ്രങ്ങൾ ഒരുങ്ങിക്കഴിഞ്ഞു. ആരോഗ്യപ്രവർത്തകരാണ് ആദ്യ ഘട്ടത്തിൽ വാക്‌സിൻ സ്വീകരിക്കുക. രണ്ടാം ഘട്ടത്തിൽ മുതിർന്ന പൗരൻമാർക്കാണ് മുൻഗണന.
Also Read: മിന്നല്‍ ബൈപ്പാസ് നോണ്‍ സ്‌റ്റോപ്പ് നൈറ്റ് റൈഡർ; പുതിയ സര്‍വീസുമായി കെഎസ്ആര്‍ടിസി
