വാക്‌സിൻ പാസ് നിർബന്ധമാക്കി; ഫ്രാൻസിൽ വൻ പ്രതിഷേധം

By Staff Reporter, Malabar News
france-protest-against-vaccine-pass
Ajwa Travels

പാരീസ്: പൊതു ചടങ്ങുകളിൽ പങ്കെടുക്കാനും, പൊതു ഇടങ്ങളിലൂടെ സഞ്ചരിക്കാനും വാക്‌സിനേഷൻ ഹെൽത്ത് പാസ് നിർബന്ധമാക്കുന്ന തീരുമാനം പുറത്തു വന്നതിന് പിന്നാലെ ഫ്രാൻസിലുടനീളം പ്രതിഷേധ പ്രകടനങ്ങൾ. ഏകദേശം 38,000ത്തോളം പേർ കഴിഞ്ഞ ദിവസം നടന്ന പ്രതിഷേധത്തിൽ പങ്കെടുത്തുവെന്ന് ആഭ്യന്തര മന്ത്രാലയം അറിയിച്ചു.

തിങ്കളാഴ്‌ച മുതൽ, 16 വയസും അതിനുമുകളിലും പ്രായമുള്ളവർ റസ്‌റ്റോറന്റുകളിലോ ബാറുകകളിലോ പ്രവേശിക്കുന്നതിനും, വിനോദ പ്രവർത്തനങ്ങളിൽ ഏർപ്പെടുന്നതിനും ആഭ്യന്തര പൊതുഗതാഗതം ഉപയോഗിക്കുന്നതിനും വാക്‌സിൻ പാസ് നിർബന്ധമാക്കിയിട്ടുണ്ട്. ഇതിന് പിന്നാലെയാണ് വാക്‌സിൻ വിരുദ്ധരുടെ പ്രതിഷേധം നടന്നത്.

ഇതോടെ രാജ്യത്ത് നെഗറ്റീവ് പിസിആർ ടെസ്‌റ്റ് റിസൾട്ട് കൊണ്ട് മാത്രം യാത്ര ചെയ്യാനോ, പൊതു ഇടങ്ങളിൽ പ്രത്യക്ഷപ്പെടാനോ കഴിയില്ലെന്ന് ഏറെക്കുറെ ഉറപ്പായി കഴിഞ്ഞു. വാക്‌സിനേഷൻ പുരോഗതി ലക്ഷ്യമിട്ടാണ് ഈ തീരുമാനം നടപ്പിലാക്കുന്നത്.

യൂറോപ്യൻ യൂണിയൻ വിരുദ്ധ ചേരിയിൽ നിലകൊള്ളുന്ന പ്രസിഡണ്ട് സ്‌ഥാനാർഥി ഫ്ളോറിയൻ ഫിലിപ്പോട്ടിന്റെ അനുയായികൾ പാരീസിൽ നയിച്ച റാലികളിൽ 5200 പേർ പങ്കെടുത്തതായി ആഭ്യന്തര മന്ത്രാലയം അറിയിച്ചു. ചില പ്രകടനക്കാർ അവരുടെ കുട്ടികളെ പ്രതിഷേധ പ്രകടനത്തിൽ കൊണ്ട് വരികയും, മുഖാവരണം ധരിക്കാതിരിക്കുകയും ചെയ്‌തതിന്റെ ദൃശ്യങ്ങൾ മാദ്ധ്യമങ്ങൾ പുറത്തുവിട്ടിട്ടുണ്ട്.

Read Also: സാങ്കേതിക സർവകലാശാല ആസ്‌ഥാനം; ഭൂമി ഏറ്റെടുക്കൽ വിജ്‌ഞാപനം നീട്ടി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE