കാസര്ഗോഡ്: എന്ഡോസള്ഫാന് ദുരിത ബാധിതര് വീണ്ടും പ്രതിഷേധത്തിലേക്കും സമരങ്ങളിലേക്കും കടക്കുന്നു. ചികിത്സയ്ക്കും മരുന്നിനും പിന്നാലെ പെന്ഷനും മുടങ്ങിയതോടെയാണ് മറ്റ് മാര്ഗങ്ങളില്ലാതെയാണ് ഇവര് പ്രതിഷേധത്തിന് ഒരുങ്ങുന്നത്. ദുരിത ബാധിതരുടെ സങ്കടങ്ങള് മുഖ്യമന്ത്രി കേള്ക്കണമെന്നാവശ്യപ്പെട്ടാണ് എന്ഡോസള്ഫാന് പീഡിത ജനകീയ മുന്നണിയുടെ പ്രതിഷേധം. കാസര്ഗോഡും കാഞ്ഞങ്ങാടുമായാണ് ഇന്ന് പ്രതിഷേധം സംഘടിപ്പിക്കുന്നത്.
ജില്ലയിലെ 6728 ദുരിതബാധിതര്ക്ക് സാമൂഹിക സുരക്ഷാ മിഷന് വിതരണം ചെയ്യുന്ന സാന്ത്വന ചികിത്സ ധനം കഴിഞ്ഞ മാര്ച്ച് മാസം മുതല് മുടങ്ങിയിരിക്കുകയാണ്. കൊവിഡ് കാലത്തെ പ്രതിസന്ധികള്ക്കൊപ്പം തുച്ഛമായ പെന്ഷന് കൂടി മുടങ്ങിയതോടെ പലരും ജീവിതം വഴിമുട്ടുന്ന അവസ്ഥയിലാണ്. ഓണമെത്താറായിട്ടും അധികൃതര് ദുരിതബാധിതരുടെ പ്രശ്നങ്ങളെ കണ്ടില്ലെന്ന് നടിക്കുകയാണെന്നാണ് ഇവരുടെ പ്രധാന പരാതി.