കുവൈറ്റ് സിറ്റി: ഉച്ചവിശ്രമ നിയമം ലംഘിച്ചതിനെ തുടര്ന്ന് കുവൈറ്റിൽ 50ലധികം തൊഴിലാളികളെ അറസ്റ്റ് ചെയ്തു. മാന്പവര് അതോറിറ്റിയുടെ നേതൃത്വത്തില് നടത്തിയ പരിശോധനയിലാണ് ഇത്രയും തൊഴിലാളികളെ അറസ്റ്റ് ചെയ്തത്. സൂര്യപ്രകാശം നേരിട്ടേല്ക്കുന്ന ജോലികള്ക്ക് വിലക്കേര്പ്പെടുത്തി നിയമം പ്രാബല്യത്തില് വന്നിരുന്നു. ഇത് ലംഘിച്ചതിനാണ് നടപടി.
രാജ്യത്ത് ചൂട് കൂടിയ സാഹചര്യത്തില് പകല് 11 മണി മുതല് വൈകുന്നേരം 4 മണി വരെ തുറസായ സ്ഥലങ്ങളില് ജോലി ചെയ്യരുതെന്നുള്ള നിര്ദ്ദേശം നല്കിയിരുന്നു. മറ്റു തൊഴിലുകള് ചെയ്യുന്നവര്ക്ക് മതിയായ സൗകര്യങ്ങള് ഒരുക്കാനും അതോറിറ്റിയും മന്ത്രാലയവും നിര്ദ്ദേശിച്ചിട്ടുണ്ട്. പരിശോധന ശക്തമാക്കാനാണ് അധികൃതരുടെ തീരുമാനം.
പുതിയ നിയമം പ്രബല്യത്തിൽ വന്ന പശ്ചാത്തലത്തിൽ കഴിഞ്ഞ ദിവസം മുബാറക് അല് കബീര് ഗവര്ണറേറ്റിലെ അല് മസായീല് ഏരിയയിലെ 12 കണ്സ്ട്രക്ഷന് സൈറ്റുകളില് ഉദ്യോഗസ്ഥര് പരിശോധന നടത്തിയതായി അറിയിപ്പുണ്ടായിരുന്നു.
Read Also: സിപിഎം സംസ്ഥാന സെക്രട്ടേറിയറ്റ് ഇന്ന്; സ്വപ്നയുടെ ആരോപണം ചർച്ചയാകും