തൊടുപുഴ: ഇടുക്കി ഡാമിൽ ജലനിരപ്പ് 2401 അടിയായി ഉയർന്നു. ഡാമിൽ ഓറഞ്ച് അലർട് പ്രഖ്യാപിച്ചിരിക്കുകയാണ്. ജലനിരപ്പ് 2403 അടിയിൽ എത്തിയാൽ റെഡ് അലർട് പ്രഖ്യാപിക്കുമെന്ന് അധികൃതർ അറിയിച്ചു. തുടർന്ന് ഷട്ടറുകൾ ആവശ്യമെങ്കിൽ തുറന്നേക്കും.
സംസ്ഥാനത്ത് ഇന്ന് ഒറ്റപ്പെട്ട മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പിന്റെ നിർദ്ദേശമുണ്ട്. ഇടുക്കി ഡാമിന്റെ വൃഷ്ടി പ്രദേശങ്ങളിൽ മഴ ലഭിക്കുകയാണെങ്കിൽ ജലനിരപ്പ് വീണ്ടും ഉയർന്നേക്കും.
അതേസമയം, ജലനിരപ്പ് ഉയർന്ന സാഹചര്യത്തിൽ മുല്ലപ്പെരിയാർ അണക്കെട്ടിലെ ഷട്ടറുകൾ വീണ്ടും തുറന്നു. 9 ഷട്ടറുകൾ 30 സെന്റിമീറ്റർ വീതം ഉയർത്തിയിട്ടുണ്ട്. 5668 ഘനയടി വെള്ളമാണ് സെക്കൻഡിൽ പുറത്തേക്ക് ഒഴുക്കുന്നത്. 141.90 അടിയാണ് മുല്ലപ്പെരിയാർ അണക്കെട്ടിലെ നിലവിലെ ജലനിരപ്പ്. ഡാമിലേക്കുള്ള നീരൊഴുക്ക് ശക്തമായി തന്നെ തുടരുകയാണ്.
Also Read: ക്ളബ്ഫൂട്ട്; നേരത്തെ കണ്ടെത്തി ചികിൽസിച്ചാല് ആശ്വാസമാകും- മുഖ്യമന്ത്രി