കാസർഗോഡ്: ജില്ലയിൽ ജാതകം ചേരാത്തതിനെ തുടർന്ന് വിവാഹം മുടങ്ങിയതിൽ മനംനൊന്ത് യുവതി ആത്മഹത്യ ചെയ്തു. ചെമ്മനാട് സ്വദേശിനി മല്ലിക(22) ആണ് മരിച്ചത്. വിവാഹം മുടങ്ങിയതിനെ തുടർന്ന് വിഷം കഴിക്കുകയായിരുന്നു.
കുമ്പള സ്വദേശിയായ യുവാവുമായി മല്ലിക പ്രണയത്തിലായിരുന്നു. തുടർന്ന് യുവാവിന് ചൊവ്വാ ദോഷമുള്ളത് കൊണ്ട് ഇവരുടെ വിവാഹം മുടങ്ങി. അതിന് പിന്നാലെയാണ് മല്ലിക വിഷം കഴിച്ച് ആത്മഹത്യക്ക് ശ്രമിച്ചത്.
ഈ മാസം ഒന്നാം തീയതിയാണ് മല്ലിക ആത്മഹത്യക്ക് ശ്രമിച്ചത്. തുടർന്ന് ഗുരുതരാവസ്ഥയിലായ മല്ലിക മംഗളൂരുവിലെ സ്വകാര്യ ആശുപത്രിയിൽ ചികിൽസയിൽ കഴിയുകയായിരുന്നു. സംഭവത്തിന് പിന്നാലെ യുവതിയുടെ മൊഴിയും മജിസ്ട്രേറ്റ് രേഖപ്പെടുത്തിയിരുന്നു.
Read also: എസ്എഫ്ഐ സംസ്ഥാന സെക്രട്ടറി ആര്ഷോക്ക് ജാമ്യമില്ല