ഹൈദരാബാദ്: വനിതാ ദിനത്തോട് അനുബന്ധിച്ച് സർക്കാർ സർവീസിലെ വനിതകൾക്ക് അവധി പ്രഖ്യാപിച്ച് തെലങ്കാന. ഞായറാഴ്ചയാണ് ഇത് സംബന്ധിച്ച അറിയിപ്പ് സർക്കാർ പുറത്തുവിട്ടത്. തെലങ്കാന ഗവർണർ തമിളിസൈ സൗന്ദരരാജനും മുഖ്യമന്ത്രി കെ ചന്ദ്രശേഖർ റാവുവും സംസ്ഥാനത്തെ വനിതകൾക്ക് ആശംസകൾ അറിയിച്ചു.
നാടിന്റെ വികസനത്തിൽ വനിതകൾ വഹിക്കുന്ന പങ്ക് വലുതാണെന്നും പുരുഷൻമാരോട് മൽസരിച്ച് എല്ലാ മേഖലകളിലും അവർ മികവ് തെളിയിക്കുകയാണെന്നും മുഖ്യമന്ത്രി ചന്ദ്രശേഖർ റാവു പറഞ്ഞു. നൂറ്റാണ്ടുകളായി നമ്മുടെ പൈതൃകം, സംസ്കാരം, പാരമ്പര്യങ്ങൾ എന്നിവ സ്ത്രീകളെ ബഹുമാനിക്കുകയും ശക്തി ദേവിയുടെ വ്യക്തിത്വമായി ആരാധിക്കുകയും ചെയ്യുന്നുവെന്ന് ഗവർണർ തമിളിസൈ സൗന്ദരരാജനും അഭിപ്രായപ്പെട്ടു.
Read also: സ്വിസ് ഓപ്പൺ; ഫൈനലിൽ കരോളിന മെരിനോട് ദയനീയ തോൽവി; സിന്ധു മടങ്ങി