ചെറുവത്തൂർ: കാര്യങ്കോട് പാലത്തിന് സമീപം റെയിൽപാളത്തിലേക്ക് വീണ തെങ്ങ് തൊഴിലുറപ്പ് തൊഴിലാളികൾ നീക്കം ചെയ്തു. മംഗളൂരു ഭാഗത്തേക്ക് ഏറനാട് എക്സ്പ്രസ് പോകേണ്ട സമയത്തായിരുന്നു തെങ്ങ് ഒടിഞ്ഞുവീണത്. ഉടൻ തന്നെ മയ്യിച്ച വയലിനോട് ചേർന്ന് പണിയെടുക്കുകയായിരുന്ന തൊഴിലുറപ്പ് തൊഴിലാളികൾ കൂട്ടമായി കൂട്ടമായി എത്തി പാലത്തിൽ നിന്ന് തെങ്ങ് നീക്കം ചെയ്തു.
തൊഴിലാളികളുടെ സമയോചിത ഇടപെടലിനെ തുടർന്നാണ് വൻ അപകടം ഒഴിവായത്. മാതൃകയായി പ്രവർത്തിച്ച തൊഴിലാളികളെ ചെറുവത്തൂർ പഞ്ചായത്ത് അംഗം എം മഞ്ജുഷയും പൊതുപ്രവർത്തകരും അഭിനന്ദിച്ചു.
Also Read: നിശ്ചയദാർഢ്യം നൂറുമേനി നൽകി; നെൽകൃഷിയിൽ യുവാക്കളുടെ മാതൃക വിജയം