ബള്ഗേറിയ: അഭിമാന നേട്ടവുമായി ഇന്ത്യന് വനിതാ ഗുസ്തിതാരം സീമ ബിസ്ല. ബള്ഗേറിയയില് നടന്ന ലോക ഗുസ്തി യോഗ്യതാ മൽസരത്തിൽ വിജയിച്ച താരം ടോക്കിയോ ഒളിമ്പിക്സിലേക്ക് യോഗ്യത നേടി. 50 കിലോ വിഭാഗത്തിലാണ് സീമയുടെ നേട്ടം. സ്പോര്ട്സ് അതോറിറ്റി ഓഫ് ഇന്ത്യ (സായ്) ഔദ്യോഗിക ട്വീറ്റിലൂടെയാണ് ഇക്കാര്യം അറിയിച്ചത്.
ഒളിമ്പിക്സ് യോഗ്യത നേടുന്ന നാലാമത്തെ വനിതാ താരവും എട്ടാമത്തെ ഇന്ത്യന് താരവുമാണ് സീമ ബിസ്ല.
കോമണ്വെല്ത്ത് ഗെയിംസ് ചാമ്പ്യനും ഏഷ്യന് ചാമ്പ്യന്ഷിപ്പ് വെള്ളി മെഡല് ജേതാവുമായ സുമിത് മാലികും കഴിഞ്ഞ ദിവസം ഒളിമ്പിക്സ് യോഗ്യത നേടിയിരുന്നു. 125 കിലോ വിഭാഗത്തിലാണ് 28കാരനായ സുമിത് മാറ്റുരക്കുന്നത്.
രവി കുമാര് ദഹിയ (57 കിലോ), ബജ്റങ് പുനിയ (65 കിലോ), ദീപക് പുനിയ (86 കിലോ), വിനേഷ് ഭോഗത് (53 കിലോ), അന്ഷു മാലിക് (57 കിലോ), സോനം മാലിക് (62 കിലോ) എന്നീ താരങ്ങളും ഒളിമ്പിക്സ് യോഗ്യത കൈവരിച്ചിട്ടുണ്ട്.
Read Also: സംസ്ഥാനം സമ്പൂർണ ലോക്ക്ഡൗണിൽ; ദിവസ വേതനക്കാർക്ക് യാത്രാ പാസ്; വൈകിട്ടോടെ അപേക്ഷിക്കാം