ന്യൂഡെൽഹി: കാമുകിയുടെ സഹോദരനെ കൊലപ്പെടുത്തിയ കേസിൽ ബൈക്ക് സ്റ്റണ്ടർ കൂടിയായ യൂട്യൂബറെ പോലീസ് അറസ്റ്റ് ചെയ്തു. നിസാമുൽ ഖാൻ എന്നയാളെയാണ് പോലീസ് അറസ്റ്റ് ചെയ്തത്. പ്രണയബന്ധം പെൺകുട്ടിയുടെ സഹോദരൻ കമാൽ ശർമ (26) എതിർത്തതാണ് കൊലപാതകത്തിൽ കലാശിച്ചത്. കൊലപാതകം നടത്താൻ നിസാമുൽ ഖാനെ സഹായിച്ച രണ്ട് പേരെയും പോലീസ് അറസ്റ്റ് ചെയ്തിട്ടുണ്ട്.
സഹോദരിയുമായുള്ള പ്രണയബന്ധത്തെ ചൊല്ലി കമാൽ ശർമ നിസാമുൽ ഖാനെ മർദിക്കുകയും മൊബൈൽ ഫോൺ തട്ടിയെടുക്കുകയും ചെയ്തതായി വിവരമുണ്ട്. ഒക്ടോബർ 28നാണ് കമാൽ ശർമയെ നിസാമുൽ ഖാൻ വെടിവെച്ചത്. വെടിവെച്ചശേഷം നിസാമുൽ സ്ഥലം വിട്ടു. കമാൽ ശർമയെ ഉടൻ ആശുപത്രിയിൽ എത്തിച്ചെങ്കിലും രാത്രിയോടെ മരണപ്പെടുകയായിരുന്നു.
ബൈക്ക് ഉപയോഗിച്ചുള്ള അഭ്യാസപ്രകടനങ്ങളിലൂടെ നിരവധി ആരാധകരെ സൃഷ്ടിച്ച താരമാണ് നിസാമുൽ ഖാൻ. ഇയാളുടെ യൂട്യൂബ് വീഡിയോകൾക്ക് ലക്ഷക്കണക്കിന് കാഴ്ചക്കാരാണുള്ളത്.
Read also: ആത്മഹത്യാ പ്രേരണക്കേസ്; അർണാബ് ഗോസ്വാമി അറസ്റ്റിൽ