തിരുവനന്തപുരം: രാജ്യത്താകെ കോളിളക്കം സൃഷ്ടിച്ച സ്വര്ണക്കടത്ത് കേസില് സര്ക്കാരിനെയും മുഖ്യമന്ത്രിയേയും ന്യായീകരിച്ച് സിപിഎമ്മിന്റെ ലഘുലേഖ പുറത്തിറങ്ങി.
പാര്ട്ടി സംഘടിപ്പിക്കുന്ന ഗൃഹസന്ദര്ശന പരിപാടിയുടെ ഭാഗമായി അച്ചടിച്ച ലഘുലേഖയിലാണ് സര്ക്കാരിനു വേണ്ടി ആരോപണങ്ങളെ പ്രതിരോധിക്കാന് പാര്ട്ടി തന്നെ മുന്നിട്ടിറങ്ങുന്നത്.
സ്വര്ണക്കടത്ത് കേസില് സര്ക്കാരിന് പങ്കില്ല എന്ന് പറയുന്ന ലേഖനത്തില് ആരോപണം ഉയര്ന്നപ്പോള് തന്നെ ശിവശങ്കറിനെതിരെ നടപടി എടുത്തത് ചൂണ്ടികാണിക്കുന്നുണ്ട്. കേസില് ഇതുവരെ അറസ്റ്റില് ആയവര് മുഴുവന് ബിജെപി, മുസ്ലിം ലീഗ് ബന്ധമുള്ളവരാണെന്നും യുഎഇ കോണ്സുലേറ്റിലെ അറ്റാഷേയ്ക്ക് രാജ്യം വിടാന് സൗകര്യമൊരുക്കിയത് കേന്ദ്രസര്ക്കാരാണെന്നും ലഘുലേഖയില് പറയുന്നു.
കേസുമായി ബന്ധപ്പെട്ട് ബിജെപിയും കോണ്ഗ്രസ്സും നിലവാരമില്ലാത്ത രാഷ്ട്രീയം കളിക്കുകയാണെന്നും കുറ്റപ്പെടുത്തുന്നു. എല്ഡിഎഫ് സര്ക്കാരിന്റെ ജനസമ്മതിയില് വിറളി പൂണ്ടവരുണ്ടാക്കിയ അജണ്ടയുടെ ഭാഗമാണ് കേസ് എന്നും ആരോപണമുയര്ത്തുന്നു.