കർണാടകയിൽ 33 മന്ത്രിമാർക്ക് കാർ വാങ്ങാൻ പത്ത് കോടി; വ്യാപക വിമർശനം
33 മന്ത്രിമാർക്കായി 33 ടൊയോട്ട ഇന്നോവ ഹൈക്രോസ് ഹൈബ്രിഡ് എസ്‌യുവികൾ വാങ്ങുന്നതിനാണ് 9.9 കോടി രൂപ അനുവദിച്ചത്. അതേസമയം, വാഹനം വാങ്ങാനുള്ള സർക്കാർ നീക്കത്തെ ന്യായീകരിച്ചു കർണാടക ഉപമുഖ്യമന്ത്രി ഡികെ ശിവകുമാർ രംഗത്തെത്തി.
ബെംഗളൂരു: കർണാടകയിൽ മന്ത്രിമാർക്ക് പുതിയ വാഹനം വാങ്ങുന്നതിന് പത്ത് കോടി രൂപ അനുവദിച്ചു സർക്കാർ. 33 മന്ത്രിമാർക്കായി 33 ടൊയോട്ട ഇന്നോവ ഹൈക്രോസ് ഹൈബ്രിഡ് എസ്‌യുവികൾ വാങ്ങുന്നതിനാണ് 9.9 കോടി രൂപ അനുവദിച്ചത്. എന്നാൽ, മന്ത്രിമാർക്ക് വാഹനം വാങ്ങുന്നതിന് ഇത്രയും വലിയ തുക ചിലവഴിക്കുന്നതിന് വിവിധ കോണുകളിൽ നിന്ന് വ്യാപക വിമർശനം ഉയർന്നിരുന്നു.
എന്നാൽ, വാഹനം വാങ്ങാനുള്ള സർക്കാർ നീക്കത്തെ ന്യായീകരിച്ചു കർണാടക ഉപമുഖ്യമന്ത്രി ഡികെ ശിവകുമാർ രംഗത്തെത്തി. ‘എന്താണ് കുഴപ്പം? മന്ത്രിമാർക്ക് ദീർഘദൂരം സഞ്ചരിക്കേണ്ടതിനാൽ അവരുടെ സുരക്ഷ പ്രധാനമാണ്. വാസ്‌തവത്തിൽ, മറ്റു സംസ്‌ഥാനങ്ങളിൽ നിന്ന് വ്യത്യസ്‌തമായി, ഞങ്ങൾക്ക് ചാർട്ടേഡ് ഫ്‌ളൈറ്റുകളും ഹെലികോപ്‌ടറുകളും ഇല്ല. ഇപ്പോൾ പോലും ഞാൻ ഒരു സാധാരണ വാണിജ്യ വിമാനത്തിലാണ് വന്നിറങ്ങിയത്’- ഡികെ ശിവകുമാർ പറഞ്ഞു.
കർണാടകയിൽ ഏറ്റവും ചിലവേറിയ പദ്ധതിയായ ഗൃഹലക്ഷ്‌മി പദ്ധതി ആരംഭിച്ചു രണ്ടു ദിവസത്തിന് ശേഷമാണ് വൻ തുക മുടക്കി കാറുകൾ വീങ്ങുന്നുവെന്ന പ്രഖ്യാപനവും കോൺഗ്രസ് നടത്തിയത്. തിരഞ്ഞെടുപ്പ് പ്രചാരണ വേളയിൽ വാഗ്‌ദാനം ചെയ്‌ത ഗൃഹലക്ഷ്‌മി പദ്ധതിക്കായി സംസ്‌ഥാന സർക്കാർ ഈ സാമ്പത്തിക വർഷം 17,500 കോടി രൂപ നീക്കിവെച്ചിട്ടുണ്ട്. ഇതിന് പുറമെയാണ് പുതിയ പ്രഖ്യാപനവും. ബെംഗളൂരുവിൽ ടൊയോട്ട ഇന്നോവ ഹൈക്രോസ് ടോപ്പ് മോഡലിന്റെ വില ഏകദേശം 39 ലക്ഷം രൂപയാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
