കാസർഗോഡ്: പോക്‌സോ കേസിലെ പ്രതിക്ക് ജീവപര്യന്തം കഠിന തടവും പിഴയും വിധിച്ചു. കുമ്പള സ്വദേശിയായ അശോകനെതിരെയാണ് (50) ശിക്ഷ വിധിച്ചത്. കാസർഗോഡ് പോക്‌സോ കോടതിയാണ് പ്രതിക്ക് ജീവപര്യന്തം കഠിന തടവും ഒരു ലക്ഷം രൂപ പിഴയും വിധിച്ചത്.
പിഴ അടച്ചില്ലെങ്കിൽ ഒരുവർഷം അധിക തടവ് അനുഭവിക്കണം. 2018 ജൂണിലാണ് കേസിനാസ്‌പദമായ സംഭവം. 11 കാരിയായ പെൺകുട്ടിയെ പ്രതി താമസ സ്‌ഥലത്ത്‌ കൊണ്ടുപോയി പീഡിപ്പിക്കുകയായിരുന്നു.
പ്രോസിക്യൂഷന് വേണ്ടി അഡ്വ.പ്രകാശ് അമ്മണ്ണായ ഹാജരായി. കുമ്പള പോലീസ് രജിസ്‌റ്റർ ചെയ്‌ത കേസിൽ കുമ്പള ഇൻസ്‌പെക്‌ടർ കെ പ്രേംദാസാണ് അന്വേഷണം നടത്തി കുറ്റപത്രം സമർപ്പിച്ചത്.
Most Read: കോവിഡ് ഉയരുന്നു; സംസ്‌ഥാനത്ത് സ്‌കൂളുകൾ പൂർണമായും അടക്കാൻ തീരുമാനം
