തിരുവനന്തപുരം: സംസ്ഥാനത്ത് ഇന്ന് മൂന്ന് കോവിഡ് മരണങ്ങള്‍ റിപ്പോര്‍ട്ട് ചെയ്‌തു. കായംകുളം പത്തിയൂര്‍ക്കാല സ്വദേശിനി റജിയാ ബീവി, തിരുവനന്തപുരം കാഞ്ഞിരംകുളം സ്വദേശിനി ബ്രിജി, പത്തനംതിട്ട വല്ലന സ്വദേശി രവീന്ദ്രന് എന്നിവരാണ് മരണപ്പെട്ടത്.
വണ്ടാനം മെഡിക്കല്‍ കോളജില്‍ ചികിത്സയില്‍ കഴിയുന്നതിനിടെ ഇന്നലെ രാത്രിയോടെയാണ് റജിയാ ബീവി മരണപ്പെടത്. കാന്‍സര്‍ രോഗി കൂടിയായിരുന്നു ഇവര്‍.
ബ്രിജിയും ചികിത്സക്കിടെയാണ് മരണത്തിന് കീഴടങ്ങിയത്. മുപ്പത്തിയെട്ട് വയസായിരുന്നു. പാറശാലയിലെ ആശുപത്രിയില്‍ ചികിത്സയില്‍ കഴിയുകയായിരുന്ന ഇവരെ ആരോഗ്യനില വഷളായതിനെ തുടര്‍ന്ന് ഇന്നലെ വൈകീട്ട് തിരുവനന്തപുരം മെഡിക്കല്‍ കോളജിലേക്ക് മാറ്റിയിരുന്നുവെങ്കിലും മരണപ്പെടുകയായിരുന്നു. അധ്യാപികയാണ്.
അതേസമയം മരണാനന്തരം നടത്തിയ പരിശോധനയില്‍ ആണ് രവീന്ദ്രന് കോവിഡ് രോഗബാധ സ്ഥിരീകരിച്ചത്.
Kerala News: ഭീകര സംഘടനകളെ അനുകൂലിക്കുന്ന നവമാദ്ധ്യമ ഗ്രൂപ്പുകള്‍ കേരളത്തിലും
