കൊച്ചി: തീവ്രവാദ സംഘടനകളെ അനുകൂലിക്കുന്ന സമൂഹമാദ്ധ്യമ ഗ്രൂപ്പുകള് കേരളത്തിലും സജീവമാണെന്ന് കേന്ദ്ര ഏജന്സികളുടെ റിപ്പോര്ട്ട്. അല്ഖ്വയിദയുടെ ഉപ സംഘടനകളുടെ പ്രചരണത്തിനായി കേരളത്തില് പല നവമാദ്ധ്യമ ഗ്രൂപ്പുകളും രൂപീകരിച്ചുവെന്നാണ് കേന്ദ്ര ഇന്റലിജന്സിന്റെ റിപ്പോര്ട്ട്. ഇത്തരത്തില് രൂപീകരിച്ച ഗ്രൂപ്പുകളെല്ലാം നിരീക്ഷണത്തിലാണെന്നും കേന്ദ്ര ഇന്റലിജന്സ് വ്യക്തമാക്കുന്നു. പുതിയ ഗ്രൂപ്പുകള് വ്യാജ പേരുകളില് ആശയപ്രചരണം നടത്തുന്നതായും കണ്ടെത്തിയിട്ടുണ്ട്.
ബംഗ്ലാദേശ് കേന്ദ്രീകരിച്ചു പ്രവര്ത്തിക്കുന്ന തീവ്രവാദ സംഘടനക്ക് എതിരെ എന്ഐഎ അന്വേഷണം പ്രഖ്യാപിച്ചു കഴിഞ്ഞു. ജമായത്തുല് മുജാഹിദ്ദീന് എന്ന സംഘടനയെക്കുറിച്ച് കൂടുതല് അന്വേഷണം നടത്താനാണ് എന്ഐഎയുടെ തീരുമാനം. ഈ സംഘടനയുമായി ബന്ധപ്പെട്ട് ഇതുവരെ പിടിയിലായത് 120 പേരാണ്. ഇവരില് ഭൂരിഭാഗം പേരും കേരളത്തില് കഴിഞ്ഞിട്ടുണ്ടെന്ന് എന്ഐഎ പറയുന്നു. കേരളത്തിലെ ചില സംഘടനകള് സംശയത്തിന്റെ നിഴലിലാണെന്നും സൂചനകളുണ്ട്.
Read Also: അല്-ഖ്വയ്ദ വേട്ട; കൊച്ചിയില് പിടിയിലായവരെ ഇന്ന് ഡെല്ഹിയിലേക്ക് കൊണ്ടുപോകും