നാഗ്‌പൂർ: മഹാരാഷ്‌ട്രയിലെ നാഗ്‌പൂരിൽ കോവിഡ് ആശുപത്രിയിൽ തീപിടുത്തം. അപകടത്തിൽ 4 പേർ മരിച്ചു. ഇവരുടെ മൃതദേഹങ്ങൾ കണ്ടെടുത്തിട്ടുണ്ട്. 2 പേരുടെ നില ഗുരുതരമാണെന്ന് ആശുപത്രി അധികൃതർ അറിയിച്ചു. 27ഓളം രോഗികളെ ആശുപത്രിയിൽ നിന്നും മാറ്റി. ഇവരുടെ ആരോഗ്യനില ഇപ്പോൾ വിലയിരുത്താൻ സാധിക്കില്ലെന്ന് പോലീസ് അറിയിച്ചു.
നാഗ്‌പൂരിലെ വാഡി പ്രദേശത്തെ വെൽ ട്രീറ്റ് ആശുപത്രിയിലാണ് തീപിടുത്തമുണ്ടായത്. 30 ബെഡുകളുള്ള ഒരു ആശുപത്രിയിലാണ് അപകടം നടന്നത്. ഇതിൽ 15 ബെഡുകൾ ഇന്റെൻസീവ് കെയർ യൂണിറ്റുകളായിരുന്നു. രണ്ടാം നിലയിലുള്ള ഐസിയുവിലെ എസി യൂണിറ്റിൽ നിന്നാണ് തീപിടുത്തമുണ്ടായത്. തീ മറ്റു നിലകളിലേക്ക് പടരാതിരുന്നത് വലിയ അപകടം ഒഴിവാക്കാൻ സാധിച്ചു.
Read also: ബാലുശേരിയിലെ യുഡിഎഫ്-എല്‍ഡിഎഫ് സംഘര്‍ഷം; സിപിഎം പ്രവര്‍ത്തകര്‍ അറസ്‌റ്റിൽ
