പാലക്കാട്: ആന്ധ്രയില്‍ നിന്നും അരി ലോറിയില്‍ ഒളിപ്പിച്ച് കടത്തിയ 66 കിലോ കഞ്ചാവ് പിടികൂടി. രഹസ്യ വിവരത്തിന്റെ അടിസ്ഥാനത്തില്‍ എക്‌സൈസ് സ്‌പെഷ്യല്‍ സ്‌ക്വാഡ് പാലക്കാട് നടുപ്പുണി ചെക്ക്‌പോസ്റ്റില്‍ നടത്തിയ വാഹന പരിശോധനയിലാണ് കഞ്ചാവ് പിടികൂടിയത്. അരിലോറിയില്‍ ഡ്രൈവറുടെ സീറ്റിനടിയില്‍ ഒളിപ്പിച്ചാണ് കഞ്ചാവ് കടത്താന്‍ ശ്രമിച്ചത്.
ലോറിക്ക് ഒപ്പം വന്ന കാറില്‍ നിന്നും കഞ്ചാവ് പിടിച്ചെടുത്തതായി എക്‌സൈസ് വ്യക്തമാക്കി. കേസില്‍ നാലുപേരെ എക്‌സൈസ് അറസ്റ്റ് ചെയ്‌തു. ആലത്തൂര്‍ സ്വദേശി ഹക്കീം, തൃശ്ശൂര്‍ സ്വദേശി ജോസഫ് വില്‍സണ്‍, തമിഴ്‌നാട് നാമക്കല്‍ സ്വദേശി ലോകേഷ്, ശിവഗംഗൈ സ്വദേശി മലൈ ചാമി എന്നിവരാണ് അറസ്റ്റിലായത്. എക്‌സൈസ് സ്‌പെഷ്യല്‍ സ്‌ക്വാഡ് സി.ഐ പി.കെ സതീഷ് വാഹന പരിശോധനക്ക് നേതൃത്വം നല്‍കി.
ജില്ലയില്‍ അതിര്‍ത്തി കേന്ദ്രീകരിച്ച് കഞ്ചാവ് കടത്ത് വ്യാപകം ആകുന്നുവെന്ന് കണ്ടെത്തിയതിനെ തുടര്‍ന്ന് വാളയാര്‍, ഗോപാലപുരം, നടുപ്പുണി, ഗോവിന്ദാപുരം ചെക്ക് പോസ്റ്റുകളില്‍ പരിശോധന ശക്തമാക്കിയിട്ടുണ്ട്.
Malappuram News: കാഞ്ഞിരപ്പുഴയില്‍ കാട്ടാനക്കുട്ടിയുടെ ജഡം കണ്ടെത്തി
