ന്യൂഡെൽഹി: കഴിഞ്ഞ 24 മണിക്കൂറിനിടെ രാജ്യത്ത് 84,332 കോവിഡ് കേസുകൾ കൂടി സ്ഥിരീകരിച്ചു. തുടർച്ചയായ 5ആം ദിവസമാണ് ഇന്ത്യയിലെ പ്രതിദിന കോവിഡ് രോഗബാധിതരുടെ എണ്ണം ഒരു ലക്ഷത്തിൽ താഴെയാകുന്നത്. 70 ദിവസത്തിനിടയിലെ ഏറ്റവും കുറവ് കണക്കാണിത്. 1,21,311 പേർ കോവിഡ് മുക്തരായി. 4,002 കോവിഡ് മരണങ്ങളും സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു.
29,359,155 പേർക്ക് ഇതുവരെ ഇന്ത്യയിൽ കോവിഡ് സ്ഥിരീകരിച്ചു. 3,67,081 പേർ കോവിഡ് ബാധിച്ച് മരണമടയുകയും ചെയ്തു. 2,79,11,384 പേർ കോവിഡ് മുക്തി നേടി. 10,80,690 പേർ നിലവിൽ ചികിൽസയിൽ തുടരുന്നുണ്ട്. ടെസ്റ്റ് പോസിറ്റിവിറ്റി നിരക്ക് 4.39 ശതമാനമായി കുറഞ്ഞു. 24,96,00,304 പേർ ഇതുവരെ കോവിഡ് പ്രതിരോധ വാക്സിൻ സ്വീകരിച്ചതായി ആരോഗ്യ മന്ത്രാലയം അറിയിച്ചു.
Read also: കോവിഡ്; രാജസ്ഥാനിൽ കലാകാരൻമാർക്ക് ഒറ്റത്തവണ സഹായമായി 5000 രൂപ അനുവദിക്കും