ഡെൽഹി: രാജസ്‌ഥാനിൽ ഒൻപത് പേർക്കും മഹാരാഷ്‍ട്രയിൽ ഏഴുപേർക്കും കൂടി ഒമൈക്രോൺ സ്‌ഥിരീകരിച്ചു. ഇതോടെ രാജ്യത്ത് ഇതുവരെ ഒമൈക്രോൺ കണ്ടെത്തിയവരുടെ എണ്ണം 21 ആയി.
രാജസ്‌ഥാനിലെ ജയ്‌പൂരിൽ ഒരു കുടുംബത്തിലെ ഒൻപതു പേർക്കാണ് കോവിഡ് വകഭേദം സ്‌ഥിരീകരിച്ചത്. ഇവരിൽ നാലു പേർ ദക്ഷിണാഫ്രിക്കയിൽ നിന്ന് എത്തിയതാണ്.
അതേസമയം വിദേശത്തുനിന്ന് മടങ്ങിയെത്തിയ നാലുപേർക്കും അവരുമായി അടുത്തിടപഴകിയ മൂന്ന‍ു പേർക്കുമാണ് മഹാരാഷ്‍ട്രയിൽ ഒമൈക്രോൺ സ്‌ഥിരീകരിച്ചത്. ഇതോടെ സംസ്‌ഥാനത്തെ ആകെ കേസുകള്‍ എട്ടായി.
ഞായറാഴ്‌ച രാവിലെ ഡെൽഹിയിലും ഒരു കേസ് റിപ്പോർട് ചെയ്‌തിരുന്നു. കൂടാതെ സിംബാബ്‌വെയിൽ നിന്ന് കഴിഞ്ഞമാസം 28ന് ഗുജറാത്തിലെ ജാംനഗറിലെത്തിയ 72 വയസുകാരനും ദക്ഷിണാഫ്രിക്കയിൽ നിന്ന് കഴിഞ്ഞ മാസം 24ന് മുംബൈ ഡോംബിവ്‌ലിയിൽ എത്തിയ 33 വയസുകാരനും നേരത്തെ ഒമൈക്രോൺ സ്‌ഥിരീകരിച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
