മസ്‍കറ്റ്: ഒമാനില്‍ 72 മണിക്കൂറിനിടെ 37 കോവിഡ് മരണങ്ങള്‍ കൂടി റിപ്പോര്‍ട് ചെയ്യപ്പെട്ടതായി ആരോഗ്യ മന്ത്രാലയം അറിയിച്ചു. 2006 പേര്‍ക്കാണ് പുതിയതായി രാജ്യത്ത് കോവിഡ് സ്‌ഥിരീകരിച്ചത്. വെള്ളി, ശനി ദിവസങ്ങളിലെ കണക്കുകള്‍ കൂടി ഉള്‍പ്പെടുത്തിയാണ് ഇന്ന് ആരോഗ്യ മന്ത്രാലയം പ്രസ്‍താവന പുറത്തിറക്കിയത്.
ഒമാനില്‍ ഇതുവരെ 2,01,350 പേര്‍ക്കാണ് കോവിഡ് സ്‌ഥിരീകരിച്ചിട്ടുള്ളത്. ഇവരില്‍ 1,84,647 പേര്‍ രോഗമുക്‌തരായി. രാജ്യത്തെ കോവിഡ് രോഗമുക്‌തി നിരക്ക് 92 ശതമാനമായി വര്‍ധിച്ചിട്ടുണ്ട്. ഇതുവരെ 2,120 പേര്‍ക്കാണ് കോവിഡ് കാരണം ജീവന്‍ നഷ്‍ടമായത്.
കഴിഞ്ഞ 24 മണിക്കൂറിനിടെ 84 പേരെ വിവിധ ആശുപത്രികളില്‍ പ്രവേശിപ്പിക്കേണ്ടി വന്നു. ഇവരടക്കം ആകെ 752 പേര്‍ ഇപ്പോള്‍ ആശുപത്രികളില്‍ ചികിൽസയിലാണ്. ഇവരില്‍ 275 പേര്‍ തീവ്രപരിചരണ വിഭാഗങ്ങളിലാണ്.
