മസ്കറ്റ്: ഒമാനില് ഇന്ന് റിപ്പോര്ട് ചെയ്യപ്പെട്ടത് 236 പുതിയ കോവിഡ് കേസുകളെന്ന് ആരോഗ്യമന്ത്രാലയം അറിയിച്ചു. അതേസമയം രാജ്യത്തെ കോവിഡ് രോഗമുക്തി നിരക്ക് 96 ശതമാനമായതായും ആരോഗ്യ മന്ത്രാലയം പുറത്തുവിട്ട കണക്കുകള് വ്യക്തമാക്കുന്നു.
12 കോവിഡ് മരണങ്ങളാണ് കഴിഞ്ഞ 24 മണിക്കൂറിനിടെ രാജ്യത്ത് റിപ്പോർട് ചെയ്തത്. ഇതോടെ രാജ്യത്തെ ആകെ കോവിഡ് മരണങ്ങള് 3948 ആയി. 28 പേരെയാണ് രാജ്യത്തെ വിവിധ ആശുപത്രികളില് കഴിഞ്ഞ 24 മണിക്കൂറിനിടെ പ്രവേശിപ്പിച്ചത്. ഇതുവരെ ആശുപത്രികളില് പ്രവേശിപ്പിക്കപ്പെട്ടവരുടെ എണ്ണം 344 ആയി. ഇവരില് 158 പേര് തീവ്രപരിചരണ വിഭാഗങ്ങളിലാണ്.
ഇതുവരെ രാജ്യത്ത് 2,98,942 കോവിഡ് കേസുകളാണ് റിപ്പോർട് ചെയ്യപ്പെട്ടത്. ഇവരില് 2,85,664 പേർ ഇതിനോടകം രോഗമുക്തി നേടിയിട്ടുണ്ട്.
Most Read: ജമ്മു കശ്മീരിലെ പൂഞ്ചില് ഭീകരരുടെ ഒളിത്താവളം കണ്ടെത്തി