സുൽത്താൻ ബത്തേരി : കുതിച്ചുയരുന്ന ഇന്ധനവില വർധനയ്ക്കെതിരെ വയനാട് ജില്ലയുടെ വിവിധ ഭാഗങ്ങളിൽ പ്രതിഷേധം കനക്കുന്നു. പൊതുഗതാഗതം സംരക്ഷിക്കണമെന്ന് ആവശ്യപ്പെട്ട് പ്രൈവറ്റ് ബസ് ഓപ്പറേറ്റേഴ്സ് അസോസിയേഷൻ നിൽപ്പുസമരം നടത്തി.
ജില്ലയിലെ ബസുടമകളും കുടുംബാംഗങ്ങളും അവരുടെ ബസിന്റെയും വീടുകളുടെയും മുന്നിലാണ് നിൽപ്പുസമരം നടത്തിയത്. ജില്ലാ പ്രസിഡണ്ട് പികെ ഹരിദാസ് ഉൽഘാടനം ചെയ്തു.
കൽപറ്റ മണ്ഡലം കോൺഗ്രസ് കമ്മിറ്റി പെട്രോൾ പമ്പിനുമുന്നിലാണ് പ്രതിഷേധവുമായി എത്തിയത്. എഐസിസിയുടെ നേതൃത്വത്തിൽ രാജ്യവ്യാപകമായി നടക്കുന്ന പ്രതിഷേധ പരിപാടികളുടെ ഭാഗമായാണ് കൽപറ്റയിൽ സമരം നടത്തിയത്. ടി സിദ്ദിഖ് എംഎൽഎ ഉൽഘാടനം ചെയ്തു. കെകെ രാജേന്ദ്രൻ അധ്യക്ഷത വഹിച്ചു. പിപി ആലി, ടിജെ ഐസക്, സി ജയപ്രസാദ്, ഗിരീഷ് കൽപറ്റ, കെ അജിത, പി വിനോദ് കുമാർ എന്നിവർ സംസാരിച്ചു.
ഗൂഡല്ലൂരിലെ പെട്രോൾ പമ്പുകൾക്ക് മുന്നിലും കോൺഗ്രസിന്റെ പ്രതിഷേധം നടന്നു. കേന്ദ്രസർക്കാരിന്റെ ജനദ്രോഹ നടപടികൾ അവസാനിപ്പിക്കുക, ഇന്ധനവില കുറയ്ക്കുക തുടങ്ങിയ ആവശ്യങ്ങളുന്നയിച്ചു.
Also Read: കണ്ണൂരിൽ മർദ്ദനമേറ്റ കുഞ്ഞിന്റെ ചികിൽസ സര്ക്കാര് ഏറ്റെടുക്കും; മന്ത്രി വീണാ ജോര്ജ്