തിരുവനന്തപുരം: സംസ്‌ഥാനത്ത് 5 പേർക്ക് കൂടി സിക വൈറസ് രോഗം സ്‌ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോർജ് അറിയിച്ചു. തിരുവനന്തപുരം ആനയറ സ്വദേശിനി (38), പേട്ട സ്വദേശി (17), കരമന സ്വദേശിനി (26), പൂജപ്പുര സ്വദേശി (12), കിള്ളിപ്പാലം സ്വദേശിനി (37) എന്നിവർക്കാണ് വൈറസ് ബാധ സ്‌ഥിരീകരിച്ചത്.
തിരുവനന്തപുരം മെഡിക്കൽ കോളേജ് വൈറോളജി ലാബിൽ നടത്തിയ പരിശോധനയിലാണ് ഇവർക്ക് സിക വൈറസ് സ്‌ഥിരീകരിച്ചത്.
സംസ്‌ഥാനത്ത് ഇതുവരെ 56 പേർക്കാണ് സിക വൈറസ് റിപ്പോർട് ചെയ്‌തത്‌. നിലവിൽ 8 പേരാണ് രോഗികളായുള്ളതെന്നും എല്ലാവരുടേയും ആരോഗ്യനില തൃപ്‌തികരമാണെന്നും മന്ത്രി പറഞ്ഞു.
Read Also: കുട്ടനാട്ടിൽ ഡോക്‌ടറെ മർദിച്ച സംഭവം; ഒരാൾ അറസ്‌റ്റിൽ
