ന്യൂഡെൽഹി: രാജ്യത്ത് പ്രതിദിന കോവിഡ് കേസുകൾ രണ്ടര ലക്ഷത്തിൽ താഴെയായി തുടരുന്നു. 24 മണിക്കൂറിനിടെ 2,34,281 പേർക്ക് കോവിഡ് സ്‌ഥിരീകരിച്ചു. മരണസംഖ്യ വീണ്ടും ഉയർന്ന് 893 ആയി. ടിപിആറിൽ നേരിയ വർധനവ് രേഖപ്പെടുത്തി 14.5 ശതമാനത്തിലെത്തി. എന്നാൽ രാജ്യത്തെ ആക്‌ടീവ് കേസുകൾ 19 ലക്ഷത്തിൽ താഴെ ആയിട്ടുണ്ട്. രോഗവ്യാപനം കുറഞ്ഞതോടെ കൂടുതൽ സംസ്‌ഥാനങ്ങളിൽ നിയന്ത്രണങ്ങളിൽ ഇളവ് അനുവദിച്ചു തുടങ്ങി.
രാജ്യത്ത് 75 ശതമാനം പേർ രണ്ട് ഡോസ് വാക്‌സിനും സ്വീകരിച്ചതായി ആരോഗ്യ മന്ത്രാലയം അറിയിച്ചു. വാക്‌സിനേഷന്റെ കാര്യത്തിൽ നിർണായക നേട്ടം കൈവരിച്ചതിൽ പ്രധാനമന്ത്രി നരേന്ദ്ര മോദി രാജ്യത്തെ അഭിനന്ദിച്ചു. അതേസമയം. കർണാടകയിൽ കോവിഡ് മരണം കൂടുകയാണ്. ഇന്നലെ 70 പേരാണ് സംസ്‌ഥാനത്ത് കോവിഡ് ബാധിച്ച് മരിച്ചത്. ഇവിടെ 33,337 പേർക്ക് കൂടി രോഗം സ്‌ഥിരീകരിച്ചു.
തമിഴ്‌നാട്ടിൽ 24,418 പേർക്ക് ഇന്നലെ കോവിഡ് സ്‌ഥിരീകരിച്ചു. 46 പേർ കൂടി മരിച്ചതോടെ സംസ്‌ഥാനത്തെ ആകെ മരണസംഖ്യ 37,506 ആയി. ചെന്നൈയിൽ മാത്രം 4508 പേർക്കാണ് പുതുതായി കോവിഡ് സ്‌ഥിരീകരിച്ചത്. 18.3 ആണ് സംസ്‌ഥാനത്തെ ടെസ്‌റ്റ് പോസിറ്റിവിറ്റി നിരക്ക്.
കേരളത്തിലും കോവിഡ് വ്യാപനം അതിരൂക്ഷമാണ്. സംസ്‌ഥാനത്ത് ഇന്നലെ 50,812 പേര്‍ക്ക് കോവിഡ് സ്‌ഥിരീകരിച്ചു. ഇന്നലെ 47,649 പേരാണ് രോഗമുക്‌തി നേടിയത്. കഴിഞ്ഞ 24 മണിക്കൂറിനിടെ 1,10,970 സാമ്പിളുകളാണ് പരിശോധിച്ചത്. 45.78 ആണ് കേരളത്തിലെ ടിപിആർ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
