ന്യൂഡെൽഹി: പഞ്ചാബ് നിയമസഭാ തിരഞ്ഞെടുപ്പില് എഎപി വമ്പന് വിജയം സ്വന്തമാക്കുമെന്ന് ഇന്ത്യ ടുഡെ – ആക്സിസ് മൈ ഇന്ത്യ എക്സിറ്റ് പോൾ ഫലം. എഎപി 76 മുതല് 90 സീറ്റുകള് വരെ നേടി അധികാരത്തില് വരുമെന്നാണ് ഇന്ത്യ ടുഡെ അഭിപ്രായ സര്വേ ഫലം സൂചിപ്പിക്കുന്നത്.
എന്നാൽ, ഭരിക്കുന്ന പാര്ട്ടിയായ കോൺഗ്രസ് 19 മുതല് 31 സീറ്റുകളിലേക്ക് ചുരുങ്ങിയേക്കും. അകാലി ദള് 7 മുതല് 11 സീറ്റുകള് നേടും. പഞ്ചാബില് കാലുറപ്പിക്കാന് ശ്രമിക്കുന്ന ബിജെപിക്ക് ഒന്ന് മുതല് നാല് സീറ്റ് വരെ ലഭിക്കുമെന്നും ഇന്ത്യ ടുഡെ – ആക്സിസ് മൈ ഇന്ത്യ അഭിപ്രായ സര്വേ പറയുന്നു.
അതേസമയം, ഉത്തര്പ്രദേശില് യോഗി ആദിത്യനാഥ് സർക്കാർ തുടര്ഭരണം നേടുമെന്നാണ് പുറത്തുവരുന്ന അഭിപ്രായ സര്വേ ഫലങ്ങള് സൂചിപ്പിക്കുന്നത്. 262 മുതല് 277 സീറ്റുകള് വരെ നേടി ബിജെപി അധികാരത്തില് വരുമെന്നാണ് റിപ്പബ്ളിക് ടിവി സര്വേ സൂചിപ്പിക്കുന്നത്. സമാജ്വാദി പാര്ട്ടി 119 മുതല് 134 സീറ്റുകള് നേടും. ബിഎസ്പിക്ക് 7 മുതല് 15 വരെ സീറ്റുകൾ ലഭിച്ചേക്കും. കോണ്ഗ്രസ് വലിയ ചലനങ്ങളുണ്ടാക്കാതെ 3 മുതല് 8 സീറ്റുകളിലേക്ക് ചുരുങ്ങുമെന്നും എക്സിറ്റ് പോൾ പ്രവചിക്കുന്നു.
Most Read: രാജ്യസഭയിലേക്ക് മൽസരിക്കാനില്ല; എകെ ആന്റണി
