മലപ്പുറം: വളാഞ്ചേരിയിൽ വീട്ടുമുറ്റത്ത് കളിച്ചുകൊണ്ടിരിക്കെ ചുറ്റുമതിലിലെ കല്ലിളകി വീണ് ഏഴ് വയസുകാരൻ മരിച്ചു. കരേക്കാട് കരുവഞ്ചേരി കപ്പൂരത്ത് ഹംസയുടെ മകൻ ഹംദാൻ ആണ് മരിച്ചത്. കനത്ത മഴയിൽ നേരത്തെ അടർന്നു നിന്ന കല്ലാണ് വീണതെന്ന് ബന്ധുക്കൾ പറഞ്ഞു. ഇന്ന് ഉച്ചക്ക് 12 മണിക്കാണ് സംഭവം.
കൂട്ടുകാരുമൊത്ത് കളിച്ചു കൊണ്ടിരിക്കെ കല്ല് ഹംദാന്റെ ദേഹത്തേക്ക് വീഴുകയായിരുന്നു. ഉടൻ വീട്ടുകാർ വളാഞ്ചേരിയിൽ സ്വകാര്യ ആശുപതിയിൽ എത്തിച്ചെങ്കിലും മരിച്ചിരുന്നു. കുളമംഗലം എംഇടി സ്കൂളിലിലെ ഒന്നാം ക്ളാസ് വിദ്യാർഥിയായിരുന്നു. മാതാവ്: ഷഹീറ, സഹോദരൻ: മുഹമ്മദ് ഹനാൻ.
Most Read: ദൗത്യം വിജയം; അരിക്കൊമ്പൻ പെരിയാർ വന്യജീവി സങ്കേതത്തിലേക്ക്
