തിരഞ്ഞെടുപ്പ് കമ്മീഷണർ ഗ്യാനേഷ് കുമാർ (Image Courtesy: Wikipedia)
തിരുവനന്തപുരം: മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ കേരളത്തിൽ വിജിലൻസ് അന്വേഷണം പ്രഖ്യാപിച്ച് സംസ്‌ഥാന സർക്കാർ. ഗ്യാനേഷ് കുമാർ കേരളത്തിലെ പൊതുമരാമത്ത് സെക്രട്ടറി ആയിരുന്ന കാലത്തെ ഇടപാടുകളുമായി ബന്ധപ്പെട്ട പരാതിയിലാണ് അന്വേഷണം. വിജിലൻസ് അന്വേഷണത്തിന് നിർദ്ദേശം നൽകിയതായി ആഭ്യന്തര മന്ത്രി രമേശ് ചെന്നിത്തല വ്യക്‌തമാക്കി.
കെപിസിസി നിർവാഹക സമിതി അംഗം മലയിൻകീഴ് വേണുഗോപാൽ നൽകിയ പരാതിയിൽ പ്രഥമദൃഷ്‌ട്യാ കഴമ്പുണ്ടെന്ന് ബോധ്യപ്പെട്ടതിനെ തുടർന്നാണ് അന്വേഷണം ആവശ്യപ്പെട്ടതെന്ന് ചെന്നിത്തല പറഞ്ഞു. 2006ൽ ഗ്യാനേഷ് കുമാർ പൊതുമരാമത്ത് സെക്രട്ടറി ആയിരിക്കെയാണ് ലോകബാങ്ക് സഹായത്തോടെ കെഎസ്‌ടിപിയുടെ ഭാഗമായി എംസി റോഡ് അങ്കമാലി മുതൽ തിരുവനന്തപുരം വരെ നവീകരിക്കുന്നതിനുള്ള പദ്ധതി നടപ്പാക്കിയത്.
പദ്ധതിയുടെ കരാർ ഏറ്റെടുത്ത ഇൻഡോ-മലേഷ്യൻ കൺസോർഷ്യവുമായി ബന്ധപ്പെട്ട് ചീഫ് പ്രോജക്‌ട് എൻജിനിയറായിരുന്ന ലീ സീ ബിൻ ക്വാലാലംപൂരിൽ ആത്‍മഹത്യ ചെയ്‌ത സംഭവമാണ് പരാതിയുടെ പ്രധാന ഭാഗം. അദ്ദേഹത്തിന്റെ ആത്‍മഹത്യാ കുറിപ്പിൽ ഗ്യാനേഷ് കുമാറിന്റെ പേര് പരാമർശിച്ചിരുന്നതായാണ് പരാതി.
സംഭവത്തിൽ നേരത്തെ വിജിലൻസ് അന്വേഷണം നടത്തിയിരുന്നെങ്കിലും പിന്നീട് അന്വേഷണം മുന്നോട്ടുപോയില്ലെന്ന് രമേശ് ചെന്നിത്തല വ്യക്‌തമാക്കി. ഇപ്പോൾ പരാതിയുടെ അടിസ്‌ഥാനത്തിൽ വിശദമായ അന്വേഷണം നടത്തി നിയമാനുസൃതമായ നടപടി സ്വീകരിക്കാൻ വിജിലൻസ് ഡയറക്‌ടർ മനോജ് എബ്രഹാമിനോട് നിർദ്ദേശിച്ചിട്ടുണ്ടെന്ന് ചെന്നിത്തല പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
