വാഷിംഗ്ടണ്: യുഎസ് പ്രസിഡണ്ട് ഡോണള്ഡ് ട്രംപ് പുതിയ പ്രസിഡണ്ടായി തിരഞ്ഞെടുക്കപ്പെട്ട ജോ ബൈഡന്റെ വിജയം അംഗീകരിക്കേണ്ട സമയമായെന്ന് മുന് പ്രസിഡണ്ട് ബറാക് ഒബാമ. തിരഞ്ഞെടുപ്പ് ഫലം മാറാന് ഒരു സാധ്യതയും ഇല്ലെന്ന് ഒബാമ പറഞ്ഞു.
‘ട്രംപ് തിരഞ്ഞെടുപ്പ് ഫലം അംഗീകരിക്കേണ്ട സമയമായി. കണക്കുകളിലേക്ക് നോക്കുമ്പോള് ജോ ബൈഡന് മേല്ക്കൈ നേടിയത് കാണാനാകും. ഈ സംസ്ഥാനങ്ങളില് തിരഞ്ഞെടുപ്പ് ഫലം മാറിമറിയാന് യാതൊരു സാധ്യതയുമില്ല’- സിബിഎന്എസ് ന്യൂസിന് നല്കിയ അഭിമുഖത്തില് ഒബാമ പറഞ്ഞു
കഴിഞ്ഞ ദിവസം ജോ ബൈഡന് വിജയിച്ചതായി അംഗീകരിച്ച ട്രംപ് തൊട്ടുപിന്നാലെ വ്യാജ മാദ്ധ്യമങ്ങളുടെ കണ്ണില് മാത്രമാണ് ബൈഡന് വിജയിച്ചതെന്നും താന് അംഗീകരിച്ചിട്ടില്ലെന്നും ട്വിറ്ററില് കുറിച്ചിരുന്നു.
232 ഇലക്ട്രറല് വോട്ടുകള് നേടിയ ഡോണള്ഡ് ട്രംപ് പരാജയം അംഗീകരിക്കാന് തയാറായിരുന്നില്ല. പെന്സല്വേനിയ, നെവാഡ, മിഷിഗണ്, ജോര്ജിയ, അരിസോണ എന്നിവിടങ്ങളിലെ ജോ ബൈഡന്റെ വിജയത്തെ വെല്ലുവിളിക്കുകയും വിസ്കോസിനിലെ ബാലറ്റുകള് വീണ്ടും എണ്ണണമെന്നും ആവശ്യം ഉന്നയിച്ചു.
ഈ സംസ്ഥാനങ്ങളിലെല്ലാം വോട്ടെടുപ്പില് കൃത്രിമം നടന്നുവെന്നും തെരഞ്ഞെടുപ്പിനെ അട്ടിമറിച്ചെന്നും ട്രംപ് ആരോപിച്ചിരുന്നു. 538 ഇലക്ട്രറല് കോളജ് വോട്ടുകളില് 306 ഇലക്ട്രറല് വോട്ടുകളാണ് ബൈഡന് നേടിയത്. പ്രസിഡണ്ട് സ്ഥാനത്തേക്ക് തിരഞ്ഞെടുക്കപ്പെടാന് 270 വോട്ടുകളാണ് വേണ്ടത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
