കാപ്പിറ്റോൾ ആക്രമണം; ഡൊണാൾഡ് ട്രംപ് കുറ്റവിമുക്‌തനെന്ന് സെനറ്റ്

By Syndicated , Malabar News
Donald Trump Impeachment
Donald Trump
Ajwa Travels

വാഷിംഗ്ടണ്‍: യുഎസ് പാർലമെന്റ് മന്ദിരമായ കാപ്പിറ്റോളിൽ നടന്ന അക്രമാസക്‌തമായ പ്രക്ഷോഭത്തിൽ പ്രേരണാ കുറ്റത്തിന് ജനപ്രതിനിധി സഭ ഇംപീച്ച് ചെയ്‌ത മുന്‍ അമേരിക്കന്‍ പ്രസിഡണ്ട് ഡോണള്‍ഡ് ട്രംപിനെ സെനറ്റ് കുറ്റവിമുക്‌തനാക്കി. ഇത് രണ്ടാംതവണയാണ് ഡോണള്‍ഡ് ട്രംപ് ഇംപീച്ച്‌മെന്റ് വിചാരണയില്‍ നിന്ന് രക്ഷപ്പെടുന്നത്.

നൂറംഗ സെനറ്റില്‍ പ്രമേയത്തെ അനുകൂലിച്ച് റിപ്പബ്ളിക്കന്‍ പാര്‍ട്ടിയിലെ ഏഴ് പേര്‍ ഉൾപ്പടെ 57 പേര്‍ വോട്ട് ചെയ്‌തെങ്കിലും മൂന്നില്‍ രണ്ട് ഭൂരിപക്ഷം ലഭിക്കാത്തതിനാല്‍ ട്രംപിനെ കുറ്റക്കാരനെന്ന് വിധിക്കാനായില്ല. അഞ്ച് ദിവസം നീണ്ട കുറ്റവിചാരണക്ക് ശേഷമാണ് ഡോണള്‍ഡ് ട്രംപ് കുറ്റക്കാരനല്ലെന്ന് സെനറ്റ് പ്രഖ്യാപിക്കുന്നത്.

കാപ്പിറ്റോള്‍ കലാപത്തിന് പ്രേരിപ്പിക്കുക വഴി ട്രംപ് സത്യപ്രതിജ്‌ഞാ ലംഘനം നടത്തിയെന്ന് ഡെമോക്രാറ്റിക് അംഗങ്ങള്‍ വാദിച്ചെങ്കിലും മൂന്നില്‍ രണ്ട് ഭൂരിപക്ഷം നേടിയെടുക്കുന്നതില്‍ പരാജയപ്പെട്ടു. ഡൊണാള്‍ഡ് ട്രംപ് വൈറ്റ് ഹൗസ് ഒഴിയാന്‍ പതിനാല് ദിവസം മാത്രം ബാക്കി നില്‍ക്കേയാണ് കാപ്പിറ്റോൾ മന്ദിരത്തില്‍ ആക്രമണം നടന്നത്.

മുദ്രാവാക്യം വിളിച്ചെത്തിയ ട്രംപ് അനുകൂലികള്‍ കാപ്പിറ്റോൾ മന്ദിരത്തിൽ വച്ച് സായുധ പൊലീസുമായി ഏറ്റുമുട്ടുകയായിരുന്നു. നവംബറില്‍ നടന്ന പ്രസിഡണ്ട് തിരഞ്ഞെടുപ്പിന്റെ ഫലം അംഗീകരിക്കില്ലെന്ന് ആഹ്വാനം ചെയ്‌തുകൊണ്ടായിരുന്നു ഇവരുടെ ആക്രമണം. ആക്രമണത്തെ അപലിച്ച് ലോകരാഷ്‍ട്രങ്ങള്‍ രംഗത്തെത്തിയിരുന്നു.

Read also: ജപ്പാനിൽ ഭൂചലനം; തീവ്രത 7.1

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE