ദുബായ്: സന്ദര്ശക വിസയിലുള്ളവര്ക്ക് ഒരു മാസത്തേക്ക് വിസാ കാലാവധി നീട്ടി നൽകി യുഎഇ. യാതൊരു സര്ക്കാര് ഫീസും അടക്കാതെ ടൂറിസ്റ്റുകള്ക്ക് ഒരു മാസം കൂടി രാജ്യത്ത് താമസിക്കാനുള്ള അവസരമാണ് നല്കുന്നത്. യുഎഇ വൈസ് പ്രസിഡണ്ടും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന് റാഷിദ് ആല് മക്തൂമാണ് ഒരു മാസത്തേക്ക് ഇളവ് അനുവദിച്ചു കൊണ്ടുള്ള ഉത്തരവിട്ടത്.
ജനിതക മാറ്റം സംഭവിച്ച കൊറോണ വൈറസ് റിപ്പോര്ട്ട് ചെയ്തതോടെ പല രാജ്യങ്ങളും അതിര്ത്തികള് അടക്കുകയും വിമാന സര്വീസുകള് നിര്ത്തിവെക്കുകയും ചെയ്തിരുന്നു. ഇതോടെ സ്വന്തം രാജ്യത്തേക്ക് മടങ്ങാനാവാതെ കുടുങ്ങിയ വിദേശികളുടെ പ്രയാസം കണക്കിലെടുത്താണ് സന്ദർശക വിസാ കാലാവധി ഫീസുകള് ഒഴിവാക്കി നീട്ടി നല്കിയത്.
യുഎഇയിലുള്ള ടൂറിസ്റ്റുകള്ക്കും അവരുടെ കുടുംബാംഗങ്ങള്ക്കും പുതിയ തീരുമാനം ഏറെ സഹായകരമാകും. രാജ്യത്ത് പുതുവൽസരം ആഘോഷിക്കാന് ആഗ്രഹിക്കുന്നവർക്കും ഈ തീരുമാനം സന്തോഷം നൽകുന്നതാണ്.
Also Read: സൗദിയിൽ സംഗീത കോളേജുകൾക്ക് അനുമതി; രാജ്യത്ത് ഇതാദ്യം
