കോഴിക്കോട്: നിയമസഭാ തിരഞ്ഞെടുപ്പിൽ ഇത്തവണ കെസി ജോസഫ് മൽസരിക്കരുതെന്ന് ആവശ്യപ്പെട്ട് ഹൈക്കമാൻഡിന് യൂത്ത് കോൺഗ്രസ് പരാതി നൽകി. ഇരിക്കൂറിൽ നിന്ന് എട്ടുതവണ നിയമസഭയിലെത്തിയ കെസി ജോസഫ് യുവാക്കൾക്കായി വഴി മാറണമെന്നാണ് യൂത്ത് കോൺഗ്രസിന്റെ ആവശ്യം.
തിരഞ്ഞെടുപ്പിലെ പാർട്ടി സ്ഥാനാർഥികളെ തീരുമാനിക്കാനുള്ള നിർണായക സ്ക്രീനിംഗ് കമ്മിറ്റി യോഗം ഡെൽഹിയിൽ ചേരാനിരിക്കെയാണ് കെസി ജോസഫിനെതിരെ പരാതി നൽകിയത്. ഇരിക്കൂറിൽ ഇത്തവണ മൽസരിക്കാനില്ലെന്ന് പറഞ്ഞിരുന്നു എങ്കിലും കാഞ്ഞിരപ്പള്ളി സീറ്റിനായി കെസി ജോസഫ് താൽപര്യം പ്രകടിപ്പിച്ചിരുന്നു. ഇക്കാര്യത്തിൽ കേന്ദ്ര തിരഞ്ഞെടുപ്പ് കമ്മിറ്റിയുടേതാണ് അന്തിമ തീരുമാനം.
Read also: സ്വർണക്കടത്ത് കേസ്; അഭിഭാഷക കസ്റ്റംസ് ഓഫീസിൽ ഹാജരായി