തിരുവനന്തപുരം: സംസ്ഥാനത്ത് എസ്എസ്എല്സി, പ്ളസ് ടു പരീക്ഷകൾക്ക് മാറ്റം ഇല്ല. കോവിഡ് മുൻകരുതലുകള് കര്ശനമായി പാലിക്കുന്നുണ്ടെന്ന് വിദ്യാഭ്യാസ വകുപ്പ് പറയുന്നു. പ്രോട്ടോകോള് പാലിച്ച് പരീക്ഷകളെല്ലാം നിലവിൽ നിശ്ചയിച്ച ഷെഡ്യൂൾ പ്രകാരം തന്നെ തുടരുമെന്ന് വിദ്യാഭ്യാസ വകുപ്പ് അറിയിച്ചു.
അധ്യാപകരും വിദ്യാര്ഥികളും ട്രിപ്പിള് ലെയര് മാസ്ക് ഉപയോഗിക്കണമെന്ന് വിദ്യാഭ്യാസ വകുപ്പ് നിര്ദ്ദേശിച്ചിട്ടുണ്ട്. വിദ്യാര്ഥികളുടെ ശരീര ഊഷ്മാവ് പരിശോധിച്ച ശേഷമായിരിക്കും പരീക്ഷ ഹാളിലേക്ക് പ്രവേശിപ്പിക്കുക.
ഓരോ സ്കൂളിന്റെയും സാഹചര്യം അനുസരിച്ച് സുരക്ഷ ഏർപ്പെടുത്തുമെന്നും വിദ്യാഭ്യാസ വകുപ്പ് വ്യക്തമാക്കി. നിലവില് പത്താം ക്ളാസ് വിദ്യാര്ഥികളുടെ അഞ്ച് പരീക്ഷകള് കഴിഞ്ഞു. 21, 27, 28, 29 എന്നീ തീയതികളിൽ കൂടിയാണ് ഇനി എസ്എസ്എല്സി പരീക്ഷ ഉള്ളത്.
Also Read: രണ്ടാമത്തെ ഡോസും സ്വീകരിച്ചു; വിഎസിന്റെ വാക്സിനേഷൻ പൂർത്തിയായി
