മലപ്പുറം: വാഹനാപകടത്തിൽ പരിക്കേറ്റ് ചികിൽസയിൽ ആയിരുന്ന ഡിവൈഎഫ്ഐ വനിതാ നേതാവ് മരിച്ചു. തൃശൂർ കുന്നംകുളം അകതിയൂർ സ്വദേശിനി തറമേൽ വീട്ടിൽ അനുഷ (23) ആണ് മരിച്ചത്. ഡിവൈഎഫ്ഐ കുന്നംകുളം ബ്ളോക്ക് വൈസ് പ്രസിഡണ്ടാണ്. മലപ്പുറം എംസിടി കോളേജിലെ നിയമ വിദ്യാർഥിനി ആയിരുന്നു.
അഞ്ചു ദിവസം മുമ്പാണ് അപകടം ഉണ്ടായത്. കോളേജിനടുത്തുള്ള റോഡിൽ ഇരുചക്ര വാഹനത്തിൽ യാത്ര ചെയ്യവേ നിയന്ത്രണം വിട്ടു മറിയുകയായിരുന്നു. ഡിവൈഡറിൽ തലയിടിച്ചു ഗുരുതരമായി പരിക്കേറ്റതിനെ തുടർന്ന് പെരിന്തൽമണ്ണയിലെ സ്വകാര്യ ആശുപത്രിയിൽ ചികിൽസയിൽ ആയിരുന്നു. കഴിഞ്ഞ ദിവസം ശസ്‌ത്രക്രിയ നടത്തിയെങ്കിലും ആരോഗ്യനില വഷളായി. ഇന്ന് ഉച്ചയോടെയാണ് മരണം. രവി-ഷൈലജ ദമ്പതികളുടെ മകളാണ്. സഹോദരൻ: അക്ഷയ് ജിത്ത്.
Most Read: സെക്രട്ടറിയേറ്റ് ജീവനക്കാർക്ക് ആക്‌സസ് കൺട്രോൾ സംവിധാനം ഏപ്രിൽ ഒന്ന് മുതൽ
