നടിയെ ആക്രമിച്ച കേസില്‍ സ്‌പെഷ്യൽ പബ്‌ളിക് പ്രോസിക്യൂട്ടറുടെ രാജി സര്‍ക്കാര്‍ തള്ളി. പ്രോസിക്യൂട്ടറായി എ സുരേശന്‍ തുടരും. സുരേശന്‍ ആഭ്യന്തര സെക്രട്ടറിക്ക് അയച്ച രാജിക്കത്ത് അംഗീകരിക്കേണ്ടെന്നാണ് തീരുമാനം.
Related News: സാക്ഷിയെ ഭീഷണിപ്പെടുത്തിയ കേസ്; ഗണേഷ് കുമാറിന്റെ ഓഫീസ് സെക്രട്ടറി അറസ്‌റ്റിൽ
ഡിജിപി ലോക്നാഥ് ബെഹ്റ പ്രോസിക്യൂട്ടര്‍ എ സുരേശനോട് രാജി പിന്‍വലിക്കാന്‍ ആവശ്യപ്പെട്ടു. കോടതി മാറ്റം ഹൈക്കോടതി എതിര്‍ത്തതോടെ ആയിരുന്നു പ്രോസിക്യൂട്ടര്‍ രാജിക്കത്ത് നല്‍കിയിരുന്നത്. കോടതി മാറ്റത്തിനായി ഉടന്‍ അപ്പീല്‍ നല്‍കാന്‍ മുഖ്യമന്ത്രി പിണറായി വിജയന്‍ നിര്‍ദേശം നല്‍കി. ഇരക്ക് ഉടന്‍ നീതി ഉറപ്പാക്കണമെന്നും മുഖ്യമന്ത്രി പറഞ്ഞു.
