ഡെല്‍ഹി: കേന്ദ്ര ആഭ്യന്തരമന്ത്രി അമിത് ഷാ ആശുപത്രി വിട്ടു. കോവിഡിന് ശേഷമുളള മെഡിക്കല്‍ പരിശോധനയുടെ ഭാഗമായി ഞായറാഴ്ചയാണ് അദ്ദേഹത്തെ ഡെല്‍ഹി എയിംസില്‍ പ്രവേശിപ്പിച്ചത്.
ആഗസ്റ്റ് രണ്ടിനാണ് കോവിഡ് സ്ഥിരീകരിച്ചതിനെ തുടര്‍ന്ന് ഗുരുഗ്രാമിലെ മേദാന്ത ആശുപത്രിയില്‍ അമിത് ഷായെ പ്രവേശിപ്പിച്ചത്. രോഗമുക്തനായതിനെ തുടര്‍ന്ന് ആഗസ്റ്റ് 14ന് ആശുപത്രി വിട്ടു. ശേഷം നിരീക്ഷണത്തില്‍ കഴിയവേ ക്ഷീണവും ശരീരവേദനയും അനുഭവപ്പെട്ടു. തുടര്‍ന്ന് ആഗസ്റ്റ് 18ന് എയിംസില്‍ പ്രവേശിപ്പിക്കുകയായിരുന്നു.
കോവിഡാനന്തര ചികിത്സയില്‍ സുഖം പ്രാപിച്ച അദ്ദേഹത്തെ വീണ്ടും സമ്പൂര്‍ണ മെഡിക്കല്‍ പരിശോധനക്കായി ഞായറാഴ്ച എയിംസില്‍ പ്രവേശിപ്പിക്കുക ആയിരുന്നു. ആശുപത്രിയില്‍ കഴിഞ്ഞിരുന്നതിനാല്‍ ഈ മാസം 14 മുതല്‍ ആരംഭിച്ച പാര്‍ലമെന്റ് സമ്മേളനത്തില്‍ അദ്ദേഹം പങ്കെടുത്തിരുന്നില്ല. എന്നാല്‍ തിങ്കളാഴ്ച മുതല്‍ സമ്മേളനത്തില്‍ അദ്ദേഹം പങ്കെടുക്കുമെന്ന് റിപ്പോര്‍ട്ടുകളുണ്ട്.
Read Also: കേന്ദ്രമന്ത്രി രാജി വെച്ചു
