കൊച്ചി: കണ്ണൂർ സര്വകലാശാലയിലെ ബോര്ഡ് ഓഫ് സ്റ്റഡീസ് നിയമനത്തിന് എതിരെ ഗവര്ണര് ആരിഫ് മുഹമ്മദ് ഖാൻ. സര്വകലാശാലക്ക് എതിരെ ഹൈക്കോടതിയില് സത്യവാങ്മൂലം നല്കി. സർവകലാശാല സിൻഡിക്കേറ്റ് നേരിട്ട് നടത്തിയ നിയമനം ചട്ട വിരുദ്ധമെന്ന് ഗവര്ണര് പറഞ്ഞു. സിൻഡിക്കേറ്റ് നടപടി സർവകലാശാല നിയമനത്തിന് എതിരെന്ന് സത്യവാങ്മൂലത്തിൽ പറയുന്നു. സർവകലാശാല നടപടികൾ ചോദ്യം ചെയ്ത സെനറ്റ് അംഗങ്ങൾ നൽകിയ അപ്പീലിലാണ് സത്യവാങ്മൂലം നൽകിയത്.
വിസി നിയമനത്തിന് പിന്നാലെയാണ് ബോര്ഡ് സ്റ്റഡീസിലെ നിയമനവും ചര്ച്ചയാകുന്നത്. അതേസമയം വിസി നിയമനത്തിലും ബോര്ഡ് ഓഫ് സ്റ്റഡീസ് വിഷയത്തിലും ഉറച്ച് നില്ക്കുന്ന ഗവര്ണറെ അനുനയിപ്പിക്കാനുള്ള നീക്കങ്ങളും സർക്കാരിന്റെ ഭാഗത്ത് നടക്കുന്നുണ്ട്.
ഗവർണർ ഇന്ന് രാത്രിയോടെ ബെംഗളൂരുവിലേക്ക് പോകും. അതിന് മുൻപ് പ്രശ്ന പരിഹാരത്തിനാണ് ശ്രമം. വിസി നിയമനവുമായി ബന്ധപ്പെട്ട സത്യവാങ്മൂലവും ഗവര്ണര് വരും ദിവസങ്ങളില് ഹൈക്കോടതിയില് നല്കാൻ സാധ്യതയുണ്ട്.
Most Read: പോലീസ് കേസുകൾ ജസ്റ്റിസ് ദേവന് രാമചന്ദ്രന്റെ ബെഞ്ചില് നിന്ന് മാറ്റി