തിരുവനന്തപുരം: നിയമസഭ തിരഞ്ഞെടുപ്പിലെ വോട്ടര്‍ പട്ടികയില്‍ പേര് ചേര്‍ക്കാൻ ഇനിയും അവസരം. ഇതിനായി അക്ഷയകേന്ദ്രം വഴി ഓണ്‍ലൈനായി അപേക്ഷ നല്‍കാം. സ്‌ഥലം മാറ്റത്തിനും തെറ്റ് തിരുത്തലിനും അപേക്ഷിക്കാം. പുതിയ അപേക്ഷകരെ ഉള്‍പ്പെടുത്തി കൊണ്ടുള്ള പട്ടിക നാമനിര്‍ദ്ദേശ പത്രിക പിന്‍വലിക്കാനുള്ള അവസാന തീയതിക്ക് 10 ദിവസം മുന്‍പ് പ്രസിദ്ധീകരിക്കും.
അന്തിമ വോട്ടര്‍ പട്ടിക സംബന്ധിച്ച രാഷ്‌ട്രീയ പാര്‍ട്ടികള്‍ പരാതി ഉന്നയിച്ച സാഹചര്യത്തിലാണ് വീണ്ടും പേര് ചേര്‍ക്കാന്‍ അവസരം നല്‍കുന്നത്. തിരഞ്ഞെടുപ്പിൽ രോഗികള്‍ക്ക് തപാല്‍ വോട്ട് സൗകര്യമാണ് ഏര്‍പ്പെടുത്തുന്നത്.
വോട്ടെടുപ്പിന് അടുത്തുള്ള ദിവസങ്ങളില്‍ രോഗം വരുന്നവര്‍ക്ക് പിപിഇ കിറ്റ് നല്‍കി വോട്ട് ചെയ്യാന്‍ സൗകര്യമൊരുക്കാനാണ് ആലോചന. പ്രചാരണത്തിനും വോട്ടെടുപ്പിനുമുള്ള മാനദണ്ഡങ്ങള്‍ കമ്മിഷന്‍ പുറത്തിറക്കി കഴിഞ്ഞു. ഇത്തവണ മാദ്ധ്യമ പ്രവര്‍ത്തകര്‍ക്കും തപാല്‍ വോട്ട് രേഖപ്പെടുത്താം.
Read Also: സംസ്‌ഥാനത്തെ പ്രശ്‌ന ബാധിത മേഖലകളിലേക്ക് കേന്ദ്ര സേനയെത്തി
