ആലപ്പുഴ: കോടതിയെയും ബാർ അസോസിയേഷനെയും കബളിപ്പിച്ച് ആലപ്പുഴ കോടതിയിൽ പ്രാക്റ്റീസ് നടത്തിയ കുട്ടനാട് സ്വദേശിനിക്കായുള്ള അന്വേഷണം ആരംഭിച്ചു. ഒളിവില് പോയ സിസി സേവ്യറിനെയാണ് പോലീസ് തിരയുന്നത്.
എല്എല്ബി പാസാകാതെ വ്യാജരേഖ ചമച്ച് ബാർ അസോസിയേഷൻ അംഗമായി കോടതിയെ കബളിപ്പിച്ചതിനെതിരെ നൽകിയ പരാതിയിലാണ് അന്വേഷണം. സിസി സേവ്യർ ഒളിവിൽ പോയതായാണ് സൂചന.
2018 മുതൽ ആലപ്പുഴ കോടതിയിൽ അഭിഭാഷകയായ പ്രവർത്തിച്ചു വരികയാണ് ഇവർ. കഴിഞ്ഞ ദിവസം ഇവർക്കെതിരെ ബാർ അസോസിയേഷന് ലഭിച്ച പരാതിയിൽ നടത്തിയ അന്വേഷണത്തിൽ ഇവർ വ്യാജ സർട്ടിഫിക്കറ്റ് ഉപയോഗിച്ചാണ് പ്രാക്റ്റീസ് ചെയ്തതെന്ന് പുറത്തായത്.
ഇതോടെ ഇവർ മുങ്ങുകയായിരുന്നു. ആലപ്പുഴ നോർത്ത് പോലീസാണ് കേസെടുത്ത് അന്വേഷണം ആരംഭിച്ചത്. 3 മാസം മുൻപ് ബാർ അസോസിയേഷൻ ലൈബ്രേറിയനായി ഇവരെ തിരഞ്ഞെടുത്തിരുന്നു.
Read Also: ബക്രീദ് പ്രമാണിച്ച് നൽകിയ ഇളവുകള് ആരും ദുരുപയോഗം ചെയ്യില്ല; ഉമ്മന്ചാണ്ടി